គួរឲ្យស្រលាញ់ណាស់ នៅក្មេងត្រឹមវ័យ១២ឆ្នាំ កែវ ទិត្យផល្លី រកចំណូលបានខ្លួនឯង ថែមទាំងចេះដឹងគុណម្ដាយទៀត
ភ្នំពេញ៖ ជាការពិត ពន្លកសិល្បការិនីថ្មី វ័យត្រឹម១២ឆ្នាំ កុមារី កែវ ទិត្យផល្លី ដោយសារតែសមត្ថភាព នាងបានលើកស្ទួយកេរ្តិ៍ឈ្មោះខ្លួនឯង និងគ្រួសារ បើទោះបីជាពេលនេះ នាងនៅក្មេងក្នុងការប្រឡូកក្នុងវិស័យសិល្បៈ ហើយ ឪពុកម្ដាយ របស់នាងមានមុខរបរលក់ចាប់ហួយ និងលក់បាយមិនសូវធូរធារក្ដី។
យ៉ាងណាមិញ ជាតារាចម្រៀងវ័យក្មេង កែវ ទិត្យផល្លី ត្រូវបានមហាជនលើកសរសើរជាហូរហែ នៅអត្តចរិតសុភាពរាបសារ សម្តីសម្តៅផ្អែមពិរោះ ចេះគោរពចាស់ទុំ និងមានភាពរួសរាយគួរឲ្យស្រលាញ់ទៀតផង។
មិនតែប៉ុណ្ណោះ ក្រៅពីជាក្មេងក៏ពូកែ អាចរកចំណូលដោយប្រើសមត្ថភាពខ្លួនឯងទាំងវ័យក្មេងហើយ ផល្លី ថែមទាំងជាក្មេងកត្តញូ ចំពោះឪពុកម្ដាយខ្លាំងទៀតផង។ ជាក់ស្ដែង កុមារីរូបនេះ បានបង្ហោះវីដេអូ មួយបង្ហាញពីសកម្មភាពរបស់នាង បានទិញកាដូរជាចិញ្ជៀនមាសឲ្យអ្នកម្ដាយ ធ្វើឲ្យម្ដាយរំភើបញញឹមបិទមាត់មិនជិត ថែមទាំងធ្វើឲ្យអ្នកទស្សនាឃើញហើយ ក៏រមភើបតាមផងដែរ៕
សូមទស្សនារូបភាពខាងក្រោម៖
