ផ្ទុះការចាប់អារម្មណ៍ និងសម្ដែងក្ដីងឿងឆ្ងល់ជាខ្លាំង ក្រោយបុរសម្នាក់ បង្ហាញឱ្យឃើញនូវសត្វគីង្គក់ទៅនៅក្នុងក្រឡាន
មហាជននៅក្នុងបណ្ដាញសង្គម បាននាំគ្នាផ្ទុះការចាប់អារម្មណ៍ និងសម្ដែងក្ដីងឿងឆ្ងល់ជាខ្លាំង ក្រោយបុរសម្នាក់ បង្ហាញឱ្យឃើញនូវសត្វគីង្គក់ទៅនៅក្នុងក្រឡានដែលត្រូវហូប ជារឿងដ៏ចម្លែក និងហួសចិត្តបំផុត។
ទាក់ទិនទៅនឹងរឿងនេះ តាមរយៈគណនីមួយដែលមានឈ្មោះ Sokkhary Printing នៅថ្ងៃទី ១៣ ខែតុលា ឆ្នាំ ២០២២ នេះ បានបង្ហោះនូវវីដេអូប្រមាណជាង ០៨ នាទី ដែលខ្លួនប្រទះឃើញគីង្គក់ឆ្អិនទាំងមូលមួយក្បាល កប់នៅបាតបំពង់ក្រឡានដែលខ្លួនត្រូវហូប ព្រមទាំងបញ្ជាក់ថា ក្រឡាននេះ គឺខ្លួនបានទិញនៅម្ដុំលក់ក្រឡាន ស្រុកមង្គលបូរី។
ទន្ទឹមនេះ បុរសខាងលើបានធ្វើការវិភាគថា នេះអាចមកពីមូលហេតុដែលអ្នកលក់មានការធ្វេសប្រហែសពុំបានពិនិត្យល្អិតល្អន់មុននឹងញាត់អង្ករចូល ដែលអាចឱ្យសត្វគីង្គក់ចូលទៅសម្ងំនៅក្នុងបំពង់ក្រឡានដែលកាត់ទុក រួចក៏ក្លាយទៅជាបែបនេះ។
យ៉ាងណាមិញ ចំពោះរឿងនេះ ជាបទពិសោធន៍មួយ សម្រាប់អ្នកដុតក្រឡាន គួរតែពិនិត្យឱ្យបានល្អិតល្អន់ចំពោះសេវាកម្មរបស់ខ្លួន រីឯអ្នកហូបក៏គួរតែពិនិត្យឱ្យបានគ្រប់ជ្រុងជ្រោយដូចគ្នា មុននឹងធ្វើការទទួលទាន ចៀសវាងមានបញ្ហាដូចប្រការដែលបានកើតឡើងខាងលើនេះ៕
សូមទស្សនាវីដេអូនៅខាងក្រោម ៖
