រថយន្តម៉ាកFord បេីកឆ្លងផ្លូវ ត្រូវរថយន្តឡិចស៊ីស570 បេីកបុកខ្ទៀតទៅប៉ះម៉ូតូមួយគ្រឿងទៀត បណ្តាលឱ្យស្ត្រីម្នាក់រងរបួសធ្ងន់ នៅភ្នំពេញ

ភ្នំពេញ៖ កាលពី ថ្ងៃទី៩ ខែតុលា ឆ្នាំ២០២២ ត្រង់ចំណុចមុខវត្តព្រែកស្ពឺ ស្ថិតនៅតាមបណ្ដោយផ្លូវជាតិលេខ៣ ភូមិស្រែជម្រៅ សង្កាត់ចោមចៅ២ ខណ្ឌពោធិ៍សែនជ័យ រាជធានីភ្នំពេញ។

មុនពេលកើតហេតុ មានរថយន្តមួយគ្រឿងម៉ាកឡិចស៊ីស LX570 ពណ៌ខ្មៅ ពាក់ស្លាកលេខ ភ្នំពេញ2AQ-0208ធ្វើដំណើរតាមបណ្តោយផ្លូវជាតិលេខ៣ ក្នុងទិសដៅពីត្បូងទៅជេីងក្នុងល្បឿនលឿនខណៈមកដល់ចំណុចកេីតហេតុក៏ជ្រុលបុករថយន្តម៉ាកford ពណ៌ខ្មៅ ពាក់ស្លាកលេខ ភ្នំពេញ2BM-2523 ធ្វេីដំណេីរក្នុងទិសដៅពីជើងត្បូងរួចបត់ឆ្វេងឆ្លងផ្លូវបណ្តាលឱ្យរងកាតខូចខាត។ ហេីយរថយន្តFord ក៏បានជ្រុលទៅប៉ះម៉ូតូមួយគ្រឿងទៀតម៉ាកឌ្រឹមសង់ពណ៌ខ្មៅ ពាក់ស្លាកលេខ ភ្នំពេញ1IE-7525 បណ្តាលឱ្យស្ត្រីម្នាក់រងរបួសធ្ងន់។

ក្រោយពេលកើតហេតុ ជនរងគ្រោះត្រូវបានរថយន្តសង្រ្គោះដឹកយកទៅសង្រ្គោះនៅមន្ទីរពេទ្យភ្លាមៗ។ ចំណែករថយន្តរួមទាំងម៉ូតូត្រូវបានសមត្ថកិច្ចចុះធ្វេីការវាស់វែងយកទៅរក្សាទុកបណ្តោះអាសន្ន នៅអធិការខណ្ឌពោធិ៍សែនជ័យដើម្បីបន្តនីតិវិធីច្បាប់ ៕