គ្រាន់តែដាក់គោលដៅរួតពិនិត្យអាវុធជាតិផ្ទុះ វាយខ្នោះយុវជន៤នាក់បន្តគ្នា បន្ទាប់ពីលាក់ទុកថ្នាំញៀនជាប់ខ្លួន…!
រាជធានីភ្នំពេញ៖ កម្លាំងសមត្ថកិច្ចខណ្ឌទួលគោកដាក់គោលដៅត្រួតពិនិត្យអាវុធជាតិផ្ទុះ និងពង្រឹងច្បាប់ចរាចរណ៍ បានធ្វើការឃាត់ខ្លួនជនសង្ស័យ៤នាក់ និងថ្នាំញៀនពីរកញ្ចប់តូច កាលពីវេលាម៉ោង១០និង០០នាទីយប់ ថ្ងៃទី២៨ ខែវិច្ឆិកា ឆ្នាំ២០១៨ត្រង់ចំណុចខាងមុខវិទ្យាល័យជាស៉ីមសាមគ្គីតាមបណ្ដោយផ្លូវ២៧១ ស្ថិតក្នុងសង្កាត់បឹងសាឡាង ខណ្ឌទួលគោក។
តាមប្រភពព័ត៌មានពីកន្លែងកើតហេតុបានអោយដឹងថានៅមុនពេលកើតហេតុកម្លាំងពួកគាត់បានដាក់គោលដៅត្រួតពិនិត្យអាវុធជាតិផ្ទុះនិងពង្រឹងច្បាប់ចរាចរណ៍នៅត្រង់ចំណុចកើតហេតុខាងលើដើម្បកាត់បន្ថយនិងទប់ស្កាត់បទល្មើសដែលកើតឡើង ដោយប្រការណាមួយ។
ជាលទ្ធផលកម្លាំងពួកគាត់បានធ្វើការឃាត់ខ្លួនជនសង្ស័យចំនួន៤នាក់រួមទាំងដកហូតបានថ្នាំញៀនប្រភេទក្រាមសថ្លាពីរកញ្ចប់តូចផ្សេងគ្នា។
ដោយជនសង្ស័យទីមួយមានឈ្មោះ សុខ ឃឿន ភេទប្រុស អាយុ២៨ឆ្នាំ ជាចុងភៅនៅហាងមួយកន្លែង ស្នាក់នៅកន្លែងធ្វើការ ក្នុងសង្កាត់ទួលស្វាយព្រៃទី២ ខណ្ឌចំការមន។ និងទី២ មានឈ្មោះ បាន សុភក្រ័ ភេទប្រុស អាយុ១៨ឆ្នាំ ជាអ្នករត់តុ ស្នាក់នៅជាមួយគ្នា។ហើយបានធ្វើការដកហូតម៉ូតូមួយគ្រឿងម៉ាក ZOOMER-X ពណ៌ខៀវ ពាក់ស្លាកលេខភ្នំពេញ 1FM-1111 រួមទាំងថ្នាំញៀនប្រភេទក្រាមសថ្លាមួយកញ្ចប់តូច។
ដោយឡែកជនសង្ស័យ២នាក់ផ្សេងទៀត ទី១មានឈ្មោះ ជា មែងលីន ភេទប្រុស អាយុ១៨ឆ្នាំ ជាកម្មករសំណង់ ស្នាក់នៅក្នុងការដ្ឋានសំណង់នៅក្នុងសង្កាត់បឹងកក់ទី២ ខណ្ឌទួលគោក។ និងទី២មានឈ្មោះ តឺន រួន ភេទប្រុស អាយុ៣៥ឆ្នាំ ជាកម្មករសំណង់ ស្នាក់នៅជាមួយគ្នា។ ដកហូតបានថ្នាំញៀនប្រភេទក្រាមសថ្លាមួយកញ្ចប់តូច។
បច្ចុប្បន្នជនសង្ស័យទាំង៤នាក់ រួមទាំងវត្ថុតាង ត្រូវបានសមត្ថកិច្ចនាំខ្លួនយកទៅសាកសួរនាំ និងកសាងសំណុំរឿង នៅឯអធិការដ្ឋាននគរបាលខណ្ឌទួលគោក ដើម្បីរង់ចាំធ្វើការចាត់បន្តតាមនីតិវិធីច្បាប់៕
