ច្បាស់ហើយ! ហង្ស ម៉ានីតា នឹងទៅប្រកួត Miss Universe នៅសហរដ្ឋអាមេរិក ដើមឆ្នាំ ២០២៣

ក្រោយពីទទួលបានជ័យលាភីគ្រងមកុដ Miss Universe Cambodia ២០២២ កញ្ញា ហង្ស មានីតា តម្រូវឱ្យត្រៀមខ្លួនដើម្បីចូលរួមប្រកួតលើឆាកអន្តរជាតិ Miss Universe ឆ្នាំ ២០២២ លើកទី ៧១ ខាងមុខនេះ។

មកដល់ពេលនេះ បវរកញ្ញាចក្រវាល ហង្ស មានីតា កំពុងធ្វើការហ្វឹកហាត់ និង ត្រៀមខ្លួនពោរពេញទៅដោយភាពជឿជាក់មោះមុត ដោយថ្មីៗនេះក៏បានឃើញនាងហោះទៅប្រទេសហ្វីលីពីន ដើម្បីធ្វើការហ្វឹកហាត់បន្ថែមឱ្យកាន់តែខ្លាំងក្នុងការឆ្ពោះទៅកាន់ការប្រកួតសម្រស់ដ៏អស្ចារ្យលើឆាកអន្តរជាតិ។

ដោយឡែក ស្របពេល បវរកញ្ញា ហង្ស ម៉ានីតា កំពុងធ្វើការហ្វឹកហាត់ត្រៀមខ្លួនសម្រាប់ឈរលើឆាកអន្តរជាតិនេះដែរ ថ្មីៗនេះ ក៏បានឃើញលើបណ្ដាញសង្គមហ្វេសប៊ុកផេកផ្លូវការរបស់ Miss Universe បានធ្វើការបង្ហោះជូនដំណឹងជាផ្លូវការណ៍បានឱ្យដឹងថា ការប្រកួត Miss Universe 2022 លើកទី ៧១ នឹងធ្វើឡើងនៅ New Orleans រដ្ឋ Louisiana សហរដ្ឋអាមេរិក នៅថ្ងៃទី ១៤ ខែមករា ឆ្នាំ ២០២៣ ខាងមុខនេះ។

ក្រោយទទួលដំណឹងនេះដែរ មហាជនអ្នកគាំទ្រវិស័យបវរកញ្ញាកាន់តែបង្ហាញចិត្តអន្ទះសាចង់ឃើញបវរកញ្ញាកម្ពុជា ហង្ស ម៉ានីតា ឈរលើឆាកដ៏អស្ចារ្យនេះផងដែរ ព្រមទាំងបានធ្វើការបញ្ចេញមតិជួយផ្ដល់កម្លាំងចិត្តចំពោះនាងគ្រប់គ្នាផងដែរ៕

សូមទស្សនាវីដេអូខាងក្រោម៖