សែនអាណិត កម្លោះតូច លីម តិចម៉េង ចេញថត MV បុណ្យភ្ជុំបិណ ៤ថ្ងៃ សន្លប់ ២ដង

ភ្នំពេញ៖ កាលពីថ្មីៗនេះ ម្ចាស់ជ័យលាភី ក្នុងកម្មវិធី ប្រលងអន្តរជាតិ Cambodia Idol រដូវកាលទី ៤ លីម តិចម៉េង កំពុងតែទទួលការចាប់អារម្មណ៍ជាខ្លាំង ទៅនឹងប្រជាប្រិយ ហក់ឡើងគួរឲ្យកត់សម្គាល់ពីសំណាក់មហាជន។

ហេតុដូច្នេះ ហាក់មិនបាច់សង្ស័យនោះទេថា តារាចម្រៀងក្មេងពន្លកថ្មីរូបនេះ កំពុងមមាញឹក ក្នុងការងារសិល្បៈ ប្រចាំថ្ងៃ ជាពិសេសនោះ ការចូលរួមកម្មវិធីផ្សេង ៗ ដែលគេត្រូវបានលើកយកមកនិយាយថា ប្រជាប្រិយភាពរបស់លោក មានសន្ទុះយ៉ាងគំហក។

បើតាមប្រភពមួយ ដែលទម្លាយចេញពីកម្លោះតូចរូបនេះ បានលើកឡើងថា ក្រោយពីបានទទួលជ័យជំនៈ ក្នុងការប្រឡង Cambodia Idol បានធ្វើឲ្យកាលវិភាគរបស់លោក មានភាពរវល់ជាខ្លាំង ដែលធ្វើឲ្យលោក មានភាពមមាញឹក ក្នុងការងារ បូករួមនឹងសុខភាពមិនអំណោយផលផង លោកបានទម្លាយថា សន្លប់ដល់ទៅ ២ដង ក្នុងរយៈពេល ៤ ថ្ងៃ ព្រោះតែចេញទៅថត MV បូករួមទៅនឹង ចូលរួមកម្មវិធីផ្សេងៗ។

យ៉ាងណាមិញ ពាក្យសម្តីដែលបានរៀបរាប់ខាងលើ ដែលតារាប្រុសវ័យក្មេង បានឡើងកម្មវិធីមួយក្នុងផ្សារទំនើប ដែលយកចែកចាយពាលពេញ TikTok ដែលបានធ្វើឲ្យមហាជន ជាពិសេសហ្វេនៗ នារី មានការអាណិតអាសូរ ថែមទាំងជួយលើកទឹកចិត្ត ក៏ដូចជា ឲ្យថែរក្សាសុខភាពរបស់លោកដូច្នេះដែរ៕

សូមទស្សនាវីដេអូខាងក្រោម៖