ឆ្លងចរន្តអគី្គសនី បង្កជាអគ្គីភ័យមួយកន្លែង នៅតាមបណ្តោយ ផ្លូវលេខ៣៧៤ សង្កាត់ទួលស្វាយព្រៃទី១
ភ្នំពេញ៖ នៅវេលាម៉ោង ០៩:០០ នាទីព្រឹក ថ្ងៃទី១៩ ខែកញ្ញា ឆ្នាំ២០២២នេះ មានករណីអគ្គីភ័យមួយកន្លែងបានកើតឡើងស្ថិតតាមបណ្តោយ ផ្លូវលេខ៣៧៤ ភូមិ៥ សង្កាត់ទួលស្វាយព្រៃទី១ ខណ្ឌបឹងកេងកង រាជធានីភ្នំពេញ។
ហេតុការណ៍អគ្គីភ័យនេះ បង្កឡើងដោយសារការឆ្លងចរន្តអគី្គសនី ដែលបណ្តាលឱ្យឆេះសម្ភារៈអស់បន្តិបន្តួច ក្នុងឃ្លាំងថ្មបេតុងប្រក់ស័ង្កសីទំហំ ១៧ម៉ែត្រx ២៥ម៉ែត្រ ប៉ុន្តែពុំបានឆេះរាលដាលដល់ផ្ទះអ្នកជិតខាងឡើយ។
ភ្លាមៗនោះ កងកម្លាំងអន្តរាគមន៍បង្ការពន្លត់អគ្គិភ័យ និងសង្គ្រោះ បានប្រើប្រាស់រថយន្តការិយាល័យអគ្គិភ័យ ចំនួន ០៣គ្រឿង ប្រើទឹកអស់ចំនួន ០៣ រថយន្ត និងពន្លត់ចប់ នៅវេលាម៉ោង ០៩:៣០ នាទីព្រឹក នាថ្ងៃខែឆ្នាំដដែល។ សូមបញ្ជាក់ថា ហេតុការណ៍ខាងលើនេះ មិនបណ្តាលឱ្យអ្នកស្លាប់ ឬរងរបួសនោះឡើយ៕
