ព្រឹកមិញនេះ ផ្ទះប្រជាពលរដ្ឋមួយកន្លែង ក្នុងសង្កាត់ទួលស្វាយព្រៃទី១ ត្រូវបានអគ្គីភ័យឆាបឆេះ
ភ្នំពេញ៖ ផ្ទះបងប្អូនប្រជាពលរដ្ឋមួយកន្លែង ថ្មបេតុងប្រក់ស័ង្កសីទំហំ ០៨ម៉ែត្រx ១៨ម៉ែត្រ ត្រូវបានអគ្គិភ័យឆាបឆេះ ស្ថិតនៅផ្ទះលេខ ៤E2 ផ្លូវ៣១៨ សង្កាត់ទួលស្វាយព្រៃទី១ ខណ្ឌបឹងកេងកង រាជធានីភ្នំពេញ។
គ្រោះអគ្គិភ័យបានកើតឡើង កាលពីវេលាម៉ោង ១១:០០ នាទីព្រឹក ដោយសារឆ្លងចរន្តអគិ្គសនី ដែលបណ្តាលឱ្យខូចខាតសម្ភារៈប្រើប្រាស់ប្រចាំថៃ្ងជាន់ទី៣អស់ទាំងស្រុង ប៉ុន្តែពុំបានឆេះរាលដាលដល់ផ្ទះអ្នកជិតខាងឡើយ។
ភ្លាមៗនោះ កងកម្លាំងអន្តរាគមន៍បង្ការពន្លត់អគ្គិភ័យ និងសង្គ្រោះ បានចុះអន្តរាគមន៍បាញ់ពន្លត់ចប់ទៅវិញ នៅវេលាម៉ោង ១២:១៥ នាទីថ្ងៃត្រង់ ថ្ងៃខែឆ្នាំដដែល។ ហេតុការណ៍អគ្គិភ័យនេះ មិនបណ្តាលឱ្យមនុស្សស្លាប់ ឬរងរបួសនោះឡើយ៕
