វីដេអូស្ដែងៗពីកំពូលកូន! ភ្លេចខ្លួនតែ ៥ នាទី ទាញម៉ូតូឡើងជិះខ្លួនឯង បុកពោះឆោឡោពេញផ្ទះ

មហាជននៅក្នុងបណ្ដាញសង្គមហ្វេសប៊ុកបាននាំគ្នាផ្ទុះការភ្ញាក់ផ្អើល ក្រោយបានឃើញវីដេអូកាមេរ៉ាសុវត្ថិភាពថតជាប់សកម្មភាពកុមារីតូចឡើងជិះម៉ូតូខ្លួនឯង ខណៈអាណាព្យាបាលកំពុងនៅក្នុងផ្ទះ បង្កជាការភ្ញាក់ផ្អើល ភ័យបុកពោះផង ព្រមទាំងសើចហួសចិត្តផង កាលពីថ្ងៃទី ១៤ ខែកញ្ញា ឆ្នាំ ២០២២ ម្សិលមិញនេះ។

ទាក់ទិនទៅនឹងរឿងដែលនឹកស្មានមិនដល់នេះ តាមរយៈគណនីស្ត្រីជាម្ដាយឈ្មោះ Mouy Leng បានបង្ហោះវីដេអូកូនស្រីតូចរបស់ខ្លួន មានឈ្មោះ អាឈីង បានយកសោរចាក់ម៉ូតូ ឡើងជិះម៉ូតូដោយខ្លួនឯង កាលពីរសៀលថ្ងៃទី ១៤ ខែកញ្ញា ឆ្នាំ ២០២២ ព្រមទាំងបានបញ្ជាក់ថា «រពឹសហួសថ្លែង ភ្លេចតែ ៥ នាទី ឡើងជិះម៉ូតូខ្លួនឯង សំណាងដែលមិនអី»។

តាមរយៈសកម្មភាពនេះ ជាសំណាងដ៏ល្អរបស់ក្មេងស្រី ដែលបត់ក្បាលម៉ូតូទៅកល់ត្រឹមជញ្ជាំង និង ត្រូវបានជួយឃាត់ទាន់ពេលវេលាពីសំណាក់ក្រុមគ្រួសារ ចៀសផុតនូវគ្រោះថ្នាក់។ ដោយឡែក នេះចាត់ទុកជាវីដេអូមួយដែលជួយក្រើនរំឭកដល់អាណាព្យាបាលកូនតូចៗ ជាពិសេសកូនៗដែលរពឹស សូមអាណាព្យាបាលទាំងអស់បង្កើនការយកចិត្តទុកដាក់ ចៀសវាងជួបរឿងហេតុដូចខាងលើនេះ៕

សូមទស្សនាវីដេអូនៅខាងក្រោម ៖