ស្រវឹងស្រា បើករថយន្តឡង់គ្រីស័រ យ៉ាងលឿនដូចហោះ ខណៈមេឃកំពុងភ្លៀងរលឹម ក៏រេចង្កូតព្រលះបង្គោលភ្លើងនិងស្លាកប៉ាន់ណូ ផ្អើលខណ្ឌជ្រោយចង្វារ
រាជធានីភ្នំពេញ៖ បុរសម្នាក់ស្រវឹងស្រាធ្លាក់ភ្នែកបើករថយន្តលឿនដូចហោះបានរេចង្កូតទៅបុកបង្គោលភ្លើងនិងស្លាកប៉ាន់ណូបណ្ដាលបាក់រៀបដល់ដីរថយន្តកល់ជាប់លើទ្រូងផ្លូវទៅលែងរួចតៃកុងរងរបួសបែកក្បាល។
ហេតុការណ៍នេះកើតឡើងនៅវេលម៉ោង១១:១៥នាទីយប់ថ្ងៃទី២៧ខែវិឆ្ឆិកាឆ្នាំ២០១៨ ស្ថិតតាមបណ្ដោយផ្លូវជាតិលេខ៦A ត្រង់ចំនុចមុខសណ្ដាគាឆាយហុង ក្នុងសង្កាត់ព្រែកលៀប ខណ្ឌជ្រោយចង្វា រាជធានីភ្នំពេញ។
អ្នកបើកបររថយន្តមានឈ្មោះហេងប៊ុនថេងភេទប្រុសអាយុ៣៦ឆ្នាំ ស្នាក់នៅភូមិមិត្តភាពក្រុងព្រះស៊ីហនុ បច្ចប្បន្នស្នាក់នៅផ្ទះហ្សី៩ ផ្លូវលំភូមិដំណាក់ធំ៣ សង្កាត់ស្ទឹងមានជ័យ ខណ្ឌមានជ័យ។
យោងតាមប្រភពពីកន្លែងកើតហេតុបានអោយដឹងថាមុនពេលកើតហេតុគេឃើញបុរសម្នាក់ស្រវឹងស្រាជោគជាំបើករថយន្តឡង់គ្រីស័រពណ័សំបកឪឡឹកពាក់ស្លាកលេខភ្នំពេញ 2L-6567 ធ្វើដំណើរពីត្បូងទៅជើងក្នុងល្បឿនលឿនដូចហោះខណះមកដល់ចំនុចកើតហេតុខាងលើបានរេចង្កូតមកខាងឆ្វេងហោះឡើងសួនចែកផ្លូវទៅបុកបង្គោលភ្លើងនិងស្លាកប៉ាន់ណូបាក់រាយប៉ាយពេញផ្លូវរថយន្តកល់ជាប់និងដាច់ទ្វាមួយចំហៀងព្រមទាំងតៃកុងគៀបជាប់ត្រូវប្រជាពរដ្ឋជួយគាស់យកចេញរងរបួសបែកក្បាលចំណែករថយន្តខូចខាតស្ទើរទាំងស្រុង។
បច្ចុប្បន្នក្រោយកើតហេតុសមត្ថកិច្ចមូលដ្ឋានសហការជាមួយសមត្ថកិច្ចជំនាញ ចុះមកធ្វើការវាស់វែង និងស្ទូចយករថយន្តបង្កនិងតៃកុងទៅការិយាល័យចរាចរណ៌ជើងគោក នៃស្នងការនគរបាលររាជធានីភ្នំពេញ ដើម្បីរងចាំដោះស្រាយតាមផ្លូវច្បាប់៕
