បាត់ពីផ្ទះរយៈពេល០៣ថ្ងៃ ប្រទះឃើញសាកសពបុរសម្នាក់អណ្តែតទឹក
ខេត្តកណ្ដាល ៖ នៅចំណុចមាត់ទន្លេមេគង្គ ក្នុងភូមិកោះផុស ឃុំដីឥដ្ឋ ស្រុកកៀនស្វាយ ខេត្តកណ្តាល។
ជនរងគ្រោះឈ្មោះ សុក វាស្នា ភេទប្រុស អាយុ៣០ឆ្នាំ នៅភូមិល្វា ឃុំកំពង់ឫស្សីស្រុកពារាំង ខេត្តព្រៃវែង ស្លៀកខោខូវប៊យពណ៌ទឹក ប៊ិចជើងវែង ពាក់ អាវយឺតរងាដៃវែង ពណ៌ប្រផេះមាន មួកគ្របក្បាល ពាក់អាវយឺត ក្នុងពណ៌ខ្មៅមានសញ្ញាទង់ជាតិអង់គ្លេស ពាក់ខ្សែក្រវាត់ពណ៌ឈាមជ្រូក មានក្បាលអក្សរ H មុខរបរ លក់ដូរនៅផ្សារច្បារអំពៅ ។
សម្ភារ:
ជាប់ខ្លួនមាន អត្តសញ្ញាណបណ្ណ័ សញ្ជាតិខ្មែរ ០១សន្លឹក លេខ ០៥១៤០៦០១១ និងទូរសព្ទ័ដៃ០១គ្រឿង ម៉ាកខេមហ្វូន X3មួយគ្រឿង។
សមត្ថកិច្ចបញ្ជាក់ថា នៅវេលាម៉ោង៩៖១០នាទីព្រឹក ថ្ងៃទី០៥ ខែវិច្ឆិកា ឆ្នាំ២០១៨ កើតហេតុខាងលើ មានប្រជាពលរដ្ឋបានរាយការណ៍ មកសមត្ថកិច្ចប៉ុស្តិ៍នគរបាលរដ្ឋដីឥដ្ឋថា៖
មានសាកសពអណ្តែតទឹកនៅចំណុចកើតហេតុខាងលើ ក្រោយ ទទួលបានព័ត៌ភ្លាមមានកម្លាំងជំនាញសហការជាមួយកម្លាំង ប៉ុស្តិ៍នគរបាលរដ្ឋបាលដីឥដ្ឋអាជ្ញាធរមូលដ្ឋាន គ្រូពេទ្យឃុំចុះពិនិត្យសាកសព និងបានបញ្ជាក់ថា សាកសពពុំមានស្លាកស្នាមអ្វីគួរឲ្យកត់សម្គាល់ឡើយ ជនរងគ្រោះស្លាប់ដោយសារលង់ទឹកពិតប្រាកដមែន។
ក្រោយពិនិត្យរួចសពបានប្រគល់ជូន ក្រុមគ្រួសារយកទៅបុណ្យតាមប្រពៃណី។
តាមការបំភ្លឺពីប្រពន្ធជនរងគ្រោះថា ជនជនរងគ្រោះបានបាត់ពីផ្ទះរយៈពេល០៣ថ្ងៃមកហើយ ៕
