បង្ក្រាបទីតាំងល្បែងស៊ីសងប្រភេទកាស៊ីណូមួយកន្លែង ឃាត់ខ្លួនមនុស្សប្រុសស្រី ១១នាក់ ដកហូតសម្ភារៈមួយចំនួន នៅភ្នំពេញ

ភ្នំពេញ៖ កាលពី រសៀលថ្ងៃទី៩ខែកញ្ញា ឆ្នាំ២០២២ នេះ ទីតាំងល្បែងស៊ីសងប្រភេទកាស៊ីណូមួយកន្លែងត្រូវបានកម្លាំងនគរបាលក្រសួងមហាផ្ទៃចុះបង្ក្រាបឃាត់ខ្លួនមនុស្សប្រុសស្រីចំនួន១១នាក់ ដកហូតសម្ភារៈមួយចំនួន នៅចំណុចក្នុងបុរីញូថោន ផ្លូវ១១៣ ភូមិទួលព្រៃទា១ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។

ទីតាំងខាងលេីបេីកល្បែងស៊ីសងប្រភេទកាស៊ីណូ អស់រយះពេលជិតមួយខែទៅហេីយតែអាជ្ញាធរមូលដ្ឋានមិនទទួលបានព័ត៌មាននេះទេរហូតមកដល់រសៀលថ្ងៃទី៩ ខែកញ្ញានេះកម្លាំងចម្រុះរបស់ក្រសួងមហាផ្ទៃចុះបង្ក្រាបទីតាំងខាងលេីនឹងឃាត់ខ្លួនមនុស្សប្រុសស្រីចំនួន១១នាក់និងដកហូតទូហ្គេមចំនួន៤ បៀរ៣កេស ម៉ូតូ១គ្រឿង និងសម្ភារៈមួយចំនួនទៀត ។

ទីតាំងនេះ ត្រូវបានបិទជាបណ្តោះអាសន្ន ចំណែកមនុស្សដែលពាក់ព័ន្ធរួមទាំងសម្ភារៈត្រូវបានបញ្ជូនទៅក្រសួងមហាផ្ទៃដេីម្បីចាត់ការតាមនីតិវិធី៕