អ្នកគាំទ្រទន្ទឹងយូរហើយ គ្រាន់តែលោកពូរបស់ ល្អហួស បង្ហើបបែបនេះភ្លាម ហ្វេនៗនាំគ្នារំភើបត្រៀមចាំគាំទ្រ

ភ្នំពេញ៖ ជាការពិត ចាប់តាំងពីពេលកុមារី ល្អហួស បង្ហាញមុខលើបណ្ដាញសង្គម និងផ្ទុះល្បីថានាងមានមុខមាត់ដូចតារាសម្ដែងស្រីថៃលំដាប់ប្រទេស យ៉ាយ៉ា រួចមក នាងកាន់តែទទួលបានការចាប់អារម្មណ៍ខ្លាំងពីសំណាក់មហាជនដែលនិយមលេងបណ្ដាញសង្គម។

ជាងនេះទៅ ទៀត ក្រៅ ពីមានរូបសម្ផស្សស្អាតផូរផង់ គេដឹងទៀតថាក្មេងស្រីរូបនេះ មានដុងសិល្បៈអាចសម្ដែង ច្រៀងរាំស្ទើរគ្រប់ទម្រង់ ជាពិសេសថ្មីៗនេះ នាងបានហ្វឹកហាត់រៀនដើរបង្ហាញម៉ូត និងថែមទាំងមានគោលបំណងចង់ក្លាយជាបវរកញ្ញាផងដែ បើទោះបីនៅ ក្មេងវ័យក៏ពិតមែន។

យ៉ាងណាមិញ ស្រាប់តែថ្មីៗនេះ នៅលើគណីហ្វេសប៊ុកផ្ទាល់ខ្លួនលោកពូ របស់ ល្អហួស បានបង្ហោះសារមួយឃ្លាធ្វើឲ្យហ្វេនៗទន្ទឹងចាំជានិច្ចបែបនេះថា៖

ជួយគាំទ្រទេពុកម៉ែបងប្អូន បើកូនស្រី«ល្អហួស» ចូលប្រលង Miss Pree Teen Cambodiaនៅក្នុងឆ្នាំក្រោយនេះ

ជាមួយគ្នានេះ គ្រាន់តែឃើញសារបង្ហោះ របស់ពូ ល្អហួស យ៉ាងដូច្នេះ ធ្វើឲ្យហ្វេនៗអ្នកគាំទ្ររំភើបសប្បាយចិត្ត នាំគ្នាចូលទៅខមិនគាំទ្រព្រោងព្រាតតែម្ដង៕

សូមទស្សនារូបភាពខាងក្រោម៖