ជនសង្ស័យចំនួន០១នាក់ ដែលជំនាញឆក់ទូរស័ព្ទ ត្រូវនគរបាលជំនាញបង្ក្រាបឃាត់ខ្លួនបាន ចំណាត់ការនេះបានធ្វើឲ្យប្រជាពលរដ្ឋសាទរយ៉ាងពេញទំហឹងចំពោះស្នាដៃអធិការនគរបាលខណ្ឌមានជ័យឡើងកាន់តំណែងថ្មី

ភ្នំពេញ៖ លោកវរសេនីយ៍ទោ អ៊ុក បូនីន អធិការ នគរបាលខណ្ឌមានជ័យ បានបញ្ជាក់ឲ្យដឹងថា÷នៅថ្ងៃទី២១ ខែមករា ឆ្នាំ២០២២នេះវេលាម៉ោង១និង ៣០នាទី កម្លាំងសមត្ថកិច្ចប៉ុស្តិ៍ស្ទឹងមានជ័យទី១ សហការជាមួយអធិការនគរបាលខណ្ឌមានជ័យចុះស្រាវជ្រាវឃាត់ខ្លួនបានជនសង្ស័យ ជំនាញឆក់ទូរស័ព្ទ សកម្មចំនួន០១នាក់ )នៅចំណុចផ្ទះជួលភូមិទ្រា សង្កាត់ស្ទឹងមានជ័យទី១ ក្រោយពីបានធ្វើសកម្មភាពល្មើសច្បាប់ជាបន្តបន្ទាប់ និងករណីចុងក្រោយប្រព្រឹត្តម្តងទៀតនៅយប់ថ្ងៃទី២០ខែមករា ឆ្នាំ២០២២។

ជនសង្ស័យ០១នាក់មានឈ្មោះ នាង សុខវិចិត្រ​ហៅដែន ភេទប្រុស អាយុ២០ឆ្នាំមុខរបរមិនប្រាកដ (ជាអ្នកធ្វេីសកម្មភាពឆក់)ទូរស័ព្ទដៃម៉ាក​ សាំសុង​ ពីអ្នកបើកផាស់ស្អាប់ (passapp)នៅចំណុចផ្លូវលំ ភូមិមានជ័យ១​​ សង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ។

ក្នុងការបង្ក្រាបនគរបាលដកហូតវត្ថុតាងបានមួយចំនួនរួមមាន: ក្រាមពណ៌សថ្លា(សង្ស័យជាថ្នាំញៀន)ចំនួន៧កញ្ចប់ថង់តូច។

ជនសង្ស័យ រួមទាំងវត្ថុតាងចំពោះមុខកំពុងរក្សាទុកនៅអធិការនគរបាលខណ្ឌមានជ័យ ដើម្បីបន្តការសាកសួរ និងកសាងសំណុំរឿងតាមនីតិវិធី៕