កម្លាំងប៉ុស្តិ៍ក្បាលកោះ នៃអធិការដ្ឋានខណ្ឌច្បារអំពៅ ឃាត់ខ្លួនជនសង្ស័យ៣នាក់ ពីបទ តាមដីកា និងជួញដូរ រក្សាទុកដោយខុសច្បាប់នៃសារធាតុញៀន ព្រមទាំងប្រើប្រាស់អាវុធខុសច្បាប់
រាជធានីភ្នំពេញ ៖ នៅថ្ងៃទី០៤ ខែឆ្នូ ឆ្នាំ២០២១ វេលាម៉ោង០២:៣០នាទីរសៀល កម្លាំងនគរបាលប៉ុស្តិ៏ក្បាលកោះ នៃអធិការនគរបាលខណ្ឌច្បារអំពៅ បានសហការណ៍ជាមួយកម្លាំងការិយាល័យនគរបាលប្រឆាំងគ្រឿងញៀន នៃស្នងការដ្ឋាននគរបាលរាជធានីភ្នំពេញ បានឃាត់ខ្លួនជនសង្ស័យចំនួន ០៣នាក់ ត្រង់ចំនុចភូមិជ្រោយអំពិល សង្កាត់ក្បាលកោះ ខណ្ឌច្បារអំពៅ រាជធានីភ្នំពេញ។
ពីបទ : ចាប់តាមដីកា និងជួញដូរ រក្សាទុកដោយខុសច្បាប់នៃសារធាតុញៀន ព្រមទាំងប្រើប្រាស់អាវុធ ខុសច្បាប់ ។
ជនសង្ស័យទាំង៣នាក់ មានឈ្មោះដូចជា ៖ ១.ឈ្មោះ ស៊ឹម ចិត្រា ភេទប្រុស អាយុ៣៨ឆ្នាំ ជនជាតិខ្មែរ សញ្ជាតិខ្មែរ មុខរបរមិនពិតប្រាកដ មានដីកាចាប់ខ្លួនលេខ ៥៩០ដចន ចុះថ្ងៃទី ៣០.០៨.២០១៨ ចេញដោយលោក តុប ឈុនហេង ចៅក្រមស៊ើបសួរនៃសាលាដំបូងរាជធានីភ្នំពេញ ។ ២. ជនសង្ស័យឈ្មោះ អ៉ឹម សុវិចិត្រ ភេទប្រុស អាយុ៣៥ឆ្នាំ ជនជាតិខ្មែរ សញ្ជាតិខ្មែរ មុខរបរមិនពិតប្រាកដ ។ ៣. ជនសង្ស័យឈ្មោះ ខាត់ ឧត្តម ភេទប្រុស អាយុ២៨ឆ្នាំ ជនជាតិខ្មែរ សញ្ជាតិខ្មែរ មុខរបរ មិនពិតប្រាកដ ។ អ្នកទាំង៣នាក់ ស្នាក់នៅភូមិជ្រោយអំពិល សង្កាត់ក្បាលកោះ ខណ្ឌច្បារអំពៅ រាជធានីភ្នំពេញ។
សមត្ថកិច្ច ដកហូតបានវត្ថុតាង : ក្រាមពណ៍សថ្លា១១កញ្ចប់ថង់តូច, អាវុធខ្លី ០១ដើម ម៉ាក់កា៥៩ (K59) លេខ៧៦៧៦ បង់ចំនួន០១ គ្រាប់ចំនួន០២គ្រាប់។
លទ្ធផលតេស្តទឹកនោមវិជ្ជមាន (មានសារធាតុញៀន)។ លទ្ធផលតេស្តស្វែងរកជំងឺ COVID-19 អវិជ្ជមាន(គ្មានជំងឺកូវីត១៩)។
បច្ចុប្បន្នជនសង្ស័យចំនួន៣នាក់ខាងលេី កំពុងឃាត់ខ្លួនជាបណ្ដោះអាសន្ន នៅអធិការដ្ឋាននគរបាលច្បារអំពៅ ដើម្បីកសាងសំណុំរឿងចាត់តាមនីតិវិធី ៕
