Cristiano Ronaldo បានបំបែកកំណត់ត្រាធំៗចំនួន៤នៅក្នុងឆ្នាំ ២០១៨
Cristiano Ronaldo បានបំបែកកំណត់ត្រា និងឈ្នះពានរង្វាន់ជាច្រើន ទាំងនៅជម្រើសជាតិ នៅក្លឹបអាជីព និងពានរង្វាន់ផ្ទាល់ខ្លួន។ បើគិតតែឆ្នាំ ២០១៨ នេះ Ronaldo បានបំបែកកំណត់ត្រាធំៗ ចំនួន ៤។ នេះបើយោងតាមវិបសាយកីឡាដែលបានចុះកំណត់ត្រាទាំង ៤ នោះ មាន៖
១. ទាត់បញ្ចូលទីក្នុងការប្រកួតអន្តរជាតិ ចំនួន ៩ កម្មវិធីជាប់គ្នា នៅ World Cup ទល់នឹងអេស្ប៉ាញក្នុងប្រកួតដំបូងក្នុងវគ្គចែកពូល ធ្វើឲ្យ Ronaldo ក្លាយជាកីឡាករអឺរ៉ុបដំបូង ដែលអាចទាត់បញ្ចូលទីក្នុងការប្រកួតអន្តរជាតិចំនួន ៩កម្មវិធីជាប់គ្នា។ កម្មវិធីទាំង ៩ ដែលកីឡាករព័រទុយហ្គាល់ រកគ្រាប់បាល់បាន មាន៖ 2004 Euros, 2006 FIFA World Cup, 2008 Euros, 2010 FIFA World Cup, 2012 Euros, 2014 FIFA World Cup, 2016 Euros, 2017 Confederations Cup និង 2018 FIFA World Cup។
២. ទាត់បញ្ចូលទីច្រើនជាងគេ ក្នុងក្រុមជម្រើសជាតិនៅទ្វីបអឺរ៉ុប បន្ទាប់ពីរកបានគ្រាប់ទី៨៥ ឲ្យជម្រើសជាតិព័រទុយហ្គាល់ Ronaldo បានហក់ឡើងលើអតីតជម្រើសជាតិហុងគ្រី Ferenc Puskas ៨៤គ្រាប់ ក្លាយជាកីឡាករទាត់បញ្ចូលទីច្រើនជាងគេ ក្នុងក្រុមបាល់ទាត់ជម្រើសជាតិនៅទ្វីបអឺរ៉ុប។
៣. កីឡាករវ័យលើស ៣០ឆ្នាំ ដែលមានតម្លៃខ្លួនថ្លៃជាងគេ ការចាកចេញពី Real Madrid ទៅ Juventus ក្នុងតម្លៃ ១០០លានអឺរ៉ូ កាលពីខែកក្កដា ឆ្នាំ២០១៨ បានធ្វើឲ្យ Ronaldo ជាប់កំណត់ត្រា កីឡាករវ័យខ្ទង់ ៣០ឆ្នាំ ដែលមានតម្លៃខ្លួនថ្លៃជាងគេ។
៤. កីឡាករដំបូងគេ ដែលឈ្នះពាន UEFA Champions League បានចំនួន ៥ដង ក្រោយជួយឲ្យ Real Madrid យកឈ្នះ Liverpool ៣-១ នៅវគ្គផ្ដាច់ព្រ័ត្រ Champions League រដូវកាល ២០១៧-២០១៨ បានធ្វើឲ្យ Ronaldo ក្លាយជាកីឡាករដំបូងគេ ដែលឈ្នះ UCL ៥លើក ដែលក្នុងនោះ នៅ Manchester United ១លើក និងនៅ Real Madrid ៤លើក៕
