ឯកឧត្តម នាយឧត្តមសេនីយ៍ គន់ គីម ទេសរដ្ឋមន្ត្រី អនុប្រធាន និងជាអគ្គលេខាធិការសមគមអតីតយុទ្ធជនកម្ពុជា(ស.អ.ក.) បានអញ្ជើញជាអធិបតីក្នុងពិធីប្រកាសទទួលស្គាល់ ប្រធានកិត្តិយសសមាគមអតីតយុទ្ធជនកម្ពុជាខេត្ត និងសំណេះសំណាលជាមួយសមាជិកអតីតយុទ្ធជនកម្ពុជាខេត្តកំពត នៅសាលសន្និសីទបូកគោ
ខេត្តកំពត÷នាព្រឹកថ្ងៃស្រុក ៨ កេីត ខែកត្ដិក ឆ្នាំឆ្លូវ ត្រីស័ក ព.ស. ២៥៦៥ ត្រូវនឹងថ្ងៃទី១២ ខែវិច្ឆិកា ឆ្នាំ២០២១ តាមសេចក្តីសម្រេច ស្តីពីការទទួលស្គាល់ប្រធានកិត្តិយស នៃគណ:កម្មាធិការសមាគមអតីតយុទ្ធជនកម្ពុជាខេត្តកំពតលេខ២៤៧ /ស.អ.ក/២០២១ សម្រេចទទួលស្គាល់ឯកឧត្តម ម៉ៅ ធនិន ជាប្រធានកិត្តិយស ស.អ.ក. ខេត្តកំពត ។
ក្នុងឱកាសនេះ ឯកឧត្តមបាននាំមកនូវអំណោយដ៏ថ្លៃថ្លារបស់សម្តេចតេជោ ហ៊ុន សែន សម្រាប់ចែកជូនបងប្អូនអតីតយុទ្ធជនចំនួន១០០នាក់ ដោយម្នាក់ៗទទួលបានអង្ករ១បាវ មី១កេះ ត្រីខមួយយួរ ព្រមទាំងថវិកាឯកឧត្តម អភិបាលខេត្តក្នុង១នាក់ ៥ម៉ឺនរៀល ថវិកាឧត្តមសេនីយ៍ឯក មាស ប៊ុនឡី ក្នុង១នាក់៥ម៉ឺនរៀល និងថវិកាលោកឧកញ៉ា វិញ ហ៊ួរ ក្នុង១នាក់៥ម៉ឺនរៀលផងដែរ៕
