សង្ស័យរឿងគំនុំ!!!ប្អូនប្រុសបាញ់ ប្រហារបងប្រុសបង្កើតខ្លួនឯងមួយគ្រាប់រងរបួសធ្ងន់

(ភ្នំពេញ)៖ ករណីប៉ុនប៉ងឃាតកម្មមួយបានកើតឡើងនៅថ្ងៃទី១៩ ខែធ្នូ ឆ្នាំ២០២០នេះ វេលាម៉ោង០៧និង១០
នាទីព្រឹក នៅចំណុចផ្ទះជនសង្ស័យភូមិព្រែកខ្សេវ សង្កាត់រកាខ្ពស់ ក្រុងតាខ្មៅ ខេត្តកណ្តាល។ ជនរងគ្រោះ (បងបង្កើត) ឈ្មោះ ឆាយ សៀមមី ភេទប្រុស អាយុជាង៤៣ឆ្នាំ ជនជាតិខ្មែរ មុខរបរជាងភ្លើង ទីលំនៅភូមិកាហេ ឃុំកាហេ ស្រុកកងមាស ខេត្តកំពង់ចាម។ជនសង្ស័យ ០១នាក់ (ប្អូនបង្កើត) ឈ្មោះ ឆាយ សាលាភ ភេទប្រុស អាយុ៣៦ឆ្នាំ ជនជាតិខ្មែរ ទីលំនៅក្នុងភូមិសង្កាត់កើតហេតុ មុខរបរ មិនពិតប្រាកដ (គេចខ្លួន)។ មុនពេលកើតហេតុគេឃើញ(ជនសង្ស័យជិះម៉ូតូ១គ្រឿងម៉ាកscoopy ពណ៌ ក្រហម ពាក់ស្លាក លេខ ភ្នំពេញ …..9941 ប្រើទូរស័ព្ទលេខ០១០ ៧៩០ ០៣៥)។

វត្ថុតាងចាប់យក៖ អាវុធខ្លី១ដើមម៉ាក Lock 98 លេខ 00080409236បង់០១ គ្រាប់ចំនួន១០ (ជារបស់ជន សង្ស័យមិនដឹងបានមកពីប្រភពណា)។

សូមបញ្ជាក់ថា: មុនពេលកើតហេតុ ជនសង្ស័យ (ប្អូន)ជាមនុស្សប្រើប្រាស់គ្រឿងញៀន ហើយតែងតែឈ្មោះគ្នាជាមួយប្រពន្ធ ដោយប្រពន្ធរកស៊ីលក់ផលិត ផលតាមអនឡាញ ។គួររំលឹកថាកាលពីថ្ងៃទី១៨ ខែធ្នូ ឆ្នាំ២០២០ម្សិលមិញ វេលាម៉ោង៤រសៀល ជនសង្ស័យ (ប្អូន)បានឈ្លោះប្រកែកជាមួយប្រពន្ធរបស់ខ្លួន ពេលនោះ ជនរងគ្រោះ(បង)បានចូលទៅជួយសម្របសម្រួលឲ្យឈប់ឈ្លោះគ្នា តែពេលនោះជនសង្ស័យបែជាខឹង ថាជនរងគ្រោះចេះដឹងរឿងប្តីប្រពន្ធរបស់ខ្លួន និងចង់បំបែកបាក់ប្តីប្រពន្ធទៀត។

លុះរំលងមួយថ្ងៃ មកដល់វេលាម៉ោង ០៤ទៀបភ្លឺ នាថ្ងៃកើតហេតុខាងលើជនសង្ស័យបានតេទូរសព្ទ័ហៅជនរង គ្រោះពីខេត្តកំពង់ចាមឲ្យឡើងមកជួបនៅផ្ទះរបស់ខ្លួននៅភូមិព្រែកខ្សេវ សង្កាត់រកាខ្ពស់ ក្រុងតាខ្មៅ ខេត្តកណ្តាល ដើម្បីនិយាយគ្នាបន្តិច។ ពេលនោះជនរងគ្រោះក៏បានជិះម៉ូតូឡើងមកជួបជនសង្ស័យតាមការណាត់តែនៅពេលមកដល់មិនទាន់បាននិយាយអ្វីផង ក៏ត្រូវជនសង្ស័យ(ជាប្អូនបង្កើត)ដកកាំភ្លើងខ្លីម៉ាកឡុកបាញ់ជនរងគ្រោះ(ជាបងបង្កើត)ត្រូវចំក្រោមក្លៀកខាងស្តាំ ធ្លាយគ្រាប់ទៅក្រោយរងរបួសយ៉ាងធ្ងន់ធ្ងរតែម្តង។ ហើយជនសង្ស័យថែមទាំងបានរកបាញ់ ឪពុកក្មេក តែចៃដន្យមិនផ្ទុះ និងបានប្រតាយប្រតប់គ្នារហូតជ្រុះកាំភ្លើងត្រូវឪពុកក្មេកយកបាន បន្ទាប់មកជនសង្ស័យបានឡើងជិះម៉ូតូ Scoopy ពណ៌ ក្រហម ស្លាកលេខភ្នំពេញ..9941ជិះឡើងទៅតាខ្មៅ គេចខ្លួនសំដៅទៅភ្នំពេញ។

ករណីនេះសមត្ថកិច្ចខេត្តនិងក្រុងតាខ្មៅកំពុងស្វែង រកជនសង្ស័យដើម្បីយកមកចាត់ការតាមនីតិវិធី ។