កម្លាំងនគរបាលស្រុលស្នួល ចាប់ឃាត់ខ្លួនជនសង្ស័យម្នាក់ រួមនឹងថ្នាំញៀនមួយចំនួន

ខេត្តក្រចេះ៖ កម្លាំងអធិការដ្ឋាននគរបាលស្រុកស្នួល នៅថ្ងៃទី០៧ ខែធ្នូ ឆ្នាំ២០២០ បានធ្វើការបង្រ្កាបករណី ជួញដូរគ្រឿងញៀន នៅចំការកៅស៊ូ សូបា ស្ថិតក្នុងភូមិក្បាលស្នួល ឃុំស្នួល ស្រុកស្នួល ខេត្តក្រចេះ។​សមត្ថកិច្ចបានឲ្យដឹងថា ជនសង្ស័យចំនួន០១នាក់ ឈ្មោះ ស៊ឺន ចង ហៅឡី ភេទប្រុស អាយុ២៧ឆ្នាំ ជនជាតិខ្មែរ រស់នៅភូមិឃុំខាងលើ។​

វត្ថុតាងដកហូតរួមមាន ម្សៅក្រាមពណ៌ស ចំនួន០៣កញ្ចប់, ថ្នាំគ្រាប់ពណ៌ក្រហម (WY) ចំនួន ០២គ្រាប់, ជញ្ជីងថ្លឹងគ្រឿងញៀនចំនួន០១គ្រឿង, ដែកកេះចំនួន០៣, បំពង់កែវសម្រាប់ជក់គ្រឿងញៀនចំនួន០៣, ទុយោសម្រាប់ជក់គ្រឿងញៀនចំនួន០៣ និងថង់សម្រាប់ច្រកគ្រឿងញៀនមួយចំនួន។ បច្ចុប្បន្នជនសង្ស័យ និងវត្ថុតាង កំពុងឃាត់ខ្លួន និងរក្សាទុកជាបណ្តោះអាសន្ន នៅអធិការដ្ឋាននគរបាលស្រុកស្នួល ដើម្បីកសាងសំណុំរឿងតាមនីតិវិធីច្បាប់ ។