ក្រោកពីដេក រកបាយហូប តែគ្មានម្ហូប ស្រែកជេរប្រទេច ឈានដល់ប្រើអំពើហិង្សាវាយប្រពន្ធខៀវភ្នែក
ខេត្តកណ្តាល៖ ឃាត់ខ្លួនបុរសជាប្តីក្រោយករណីប្រើអំពើហិង្សាក្នុងគ្រួសារ កាលពីថ្ងៃទី២៦.១០.២០២០ វេលាម៉ោង ១០:០០នាទីចំណុចភូមិ ដេីមឬស ឃុំ ដេីមឬស ស្រុក កណ្តាលស្ទឹង ខេត្តកណ្ដាល។
ជនរងគ្រោះ ឈ្មោះ អន សុីដា ភេទស្រីអាយុ ៣២ឆ្នាំ ជនជាតិខ្មែរ មុខរបរកសិករ មានទីលំនៅភូមិឃុំកើតហេតុ(ប្រពន្ធ)។
ជនសង្ស័យ ឈ្មោះ អឹម សុផៃ ភេទប្រុសអាយុ ៣៣ឆ្នាំ ជនជាតិខ្មែរមុខរបរមិនពិតប្រាកដ មានទីលំនៅភូមិឃុំកើតហេតុ(ប្តី ឃាត់ខ្លួន)។
ប្រភពបានប្រាប់ថា កន្លងមកជនសង្ស័យធ្លាប់ប្រើប្រាស់គ្រឿងញៀន និងតែងតែផឹកស្រាស្រវឹងជេរបញ្ចោរករឿង វាយមកលេីជនរងគ្រោះជាច្រេីនលេីកច្រេីនសារ។
នៅថ្ងៃទី២៦ ខែតុលា ឆ្នាំ២០២០ វេលាម៉ោង១០និង០០នាទី ពេលជនរងគ្រោះកំពុងលាងចាននៅខាងក្រោយផ្ទះ ស្រាប់តែជនសង្ស័យក្រោកពីដេកបានដេីរសំដៅទៅផ្ទះបាយដេីម្បីរកបាយហូប តែគ្មានម្ហូបក៏ស្រែកជេរជនរងគ្រោះថា ង៉ែងម៉ោងនេះហេីយមិនទាន់ធ្វេីម្ហូបអោយអញសុីទៀត ង៉ែងរវល់តែដេីរធ្វេីខ្ញុំគេ តែជនរងគ្រោះមិនតបត ហេីយបានដេីរទៅខ្ចីម៉ូតូឪពុកក្មេកដេីម្បីយកទៅទិញត្រីខនៅតូបចាប់ហួយក្នុងភូមិ ពេលទិញរួចត្រឡប់មកផ្ទះហេីយបានធ្វេីម្ហូបរួចរៀបអោយជនសង្ស័យហូប ពេលហូបបាយរួចជនជនសង្ស័យបានជេរបញ្ចោរជនរងគ្រោះ និងស្ទុះទៅវាយមួយដៃចំមុខផ្នែកខាងស្តាំបណ្តាលអោយហេីមជាំខាងក្រោមភ្នែក និងបានយកដបទឹកដោះគោកូនមកគប់ចំក្បាល រួចបានវាយជនរងគ្រោះមួយដៃទៀតចំភ្លៅខាងឆ្វេង ហេីយបានចូលទៅដេកវិញបាត់ទៅ បន្ទាប់មកជនរងគ្រោះបានប្តឹងសមត្ថកិច្ចនគរបាលប៉ុស្តិ៍ដេីមឬសបានចុះទៅដល់កន្លែងកេីតហេតុឃាត់ខ្លួនជនសង្ស័យ បញ្ជូនមកអធិការដ្ឋាននគរបាលស្រុកកណ្តាលស្ទឹង បន្តអនុវត្តតាមនិតិវិធី។
