រថយន្តធំ២គ្រឿងបុកគ្នាបណ្តាលអោយតៃកុងរថយន្តម្នាក់កៀបជាប់ក្នុងកាប៊ីនរថយន្តរងរបួសធ្ងន់

ខេត្កតណ្តាល៖គ្រោះថ្នាក់ចរាចរណ៏មួយបានកើតឡើងរវាងរថយន្តធុនធំ២គ្រឿងបានបុកគ្នាលានស្នូរដូចរន្ទះបង្កឱ្យមានការភ្ញាក់ផ្អើលដល់អ្នកធ្វើដំណើរ។ ហេតុការណ៏គ្រោះថ្នាក់ចរាចរណ៏ខាងលើនេះបានកើតឡើងកាលពីវេលាម៉ោង១០និង៣០នាទីព្រឹកថ្ងៃទី១៨ ខែវិច្ឆកា ឆ្នាំ២០១៨នេះ នៅត្រង់ចំណុចខាងមុខ​​មូលដ្ឋានកងរាជអាវុធហត្ថស្រុកកណ្ដាលស្ទឹង ផ្លូវជាតិលេខ៣ ស្រុកកណ្ដាលស្ទឹង ខេត្តកណ្តាល​។

ប្រភពព័ត៍មាននៅកន្លែងកើតហេតុបានឱ្យដឹងថាមុនពេលកើតហេតុគេឃើញមានរថយន្តម៉ាកហ៊ីយ៉ាន់ដាយ មួយគ្រឿង ពណ៍ស ពាក់ស្លាកលេខភ្នំពេញ 3A-3864 បើកបរដោយបុរសម្នាក់ដែលរងរបួសធ្ងន់រួមនិងព្រូម្នាក់ក្នុងទិសដៅពីត្បូងទៅជើងលុះដល់ចំនុចកើតហេតុមានរថយន្តហ៊ីយ៉ាន់ដាយពណ៍ត្រេអ៊ីុពាក់ស្លាកលេខខេមរះភូមិន្ទ3-3746​ បើកពីទិសដៅពីជើងទៅត្បូងក្នុងល្បឿនយ៉ាងលឿនបានរេចង្កូតជ្រុលទៅបុករថយន្តខាងលើពេញទំហឹងបណ្តាលអោយអ្នកបើកបររថយន្តកៀបជាប់ក្នុងកាប៊ីុនរងរបួសធ្ងន់ត្រូវបានសមត្ថកិច្ចនិងប្រជាពលរដ្ឋជួយគាស់និងយករថយន្តទាញដើម្បីយកជនរងគ្រោះចេញពីក្នុងរថយន្តហើយបញ្ជូនតាមរថយន្តសាមុយទៅសង្គ្រោះនៅមន្ទីរពេទ្យជ័យជំនះ។

ចំណែកអ្នកបើកបររថយន្តបង្កបានបើកទ្វាររថយន្តចុះរត់គេចខ្លួនបាត់ស្រមោលបន្សល់ទុករថយន្តនៅកន្លែងកើតហេតុ។

ក្រោយពេលកើតហេតុសមត្ថកិច្ចមូលដ្ឋានសហការណ៏ជាមួយនគរបាលជំនាញចរាចរណ៏ស្រុកកណ្តាលស្ទឹងបានចុះមកធ្វើការវាស់វែងនៅកន្លែងកើតហេតុបន្ទាប់មកក៏យករថយន្តទាំង២គ្រឿងទៅរក្សាទុកនៅអធិការដ្ឋាននគរបាលស្រុកកណ្តាលស្ទឹងដើម្បីដោះស្រាយគ្នានៅពេលក្រោយ៕