កាច់ក យកម៉ូតូបានហើយ បម្រុងជិះគេចខ្លួន គេឃើញទាន់ ស្លន់ស្លោរត់មិនរួចទៀត ចៃដន្យប៉ូលីសប៉ុស្តិ៍ស្ទឹងមានជ័យ១ ល្បាតមកដល់វាយខ្នោះល្មម!
រាជធានីភ្នំពេញ ៖ ករណីលួច យកម៉ូតូ០១គ្រឿងម៉ាក Scoopy កើតហេតុនៅថ្ងៃ សុក្រ ៩កើត ខែ កត្កិក ឆ្នាំ ច សំរឹទ្ធិស័ក ពស ២៥៦២ ត្រូវនឹងថ្ងៃទី១៦ ខែវិច្ឆិកា ឆ្នាំ២០១៨ វេលាម៉ោង០៩៖៣០នាទីព្រឹក នៅចំណុចមុខផ្ទះជួលគ្មានលេខ ផ្លូវលំ ភូមិទ្រា២ សង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ ។
ជនសង្ស័យឈ្មោះ យិន សុវណ្ណ ហៅ ម៉ា ភេទប្រុស អាយុ១៨ឆ្នាំ ជនជាតិខ្មែរ ទីលំនៅនិងមុខរបរ មិនពិតប្រាកដ ត្រូវបានសមត្ដកិច្ចឃាត់ខ្លួន និងមានផ្ទុកសារធាតុញៀន) ។
ជនរងគ្រោះឈ្មោះ យី ស្រ៊ាន ភេទស្រី អាយុ ២៤ ឆ្នាំ ជនជាតិខ្មែរ ទីលំនៅផ្ទះជួលគ្មានលេខ ផ្លូវលំ ភូមិទ្រា២ សង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ មុខរបរមេផ្ទះ ។
វត្ថុតាងចាប់យក ៖ម៉ូតូ០១គ្រឿង ម៉ាក Scoopy ពណ៍ក្រហម សេរី២០១៣ លេខតួ+ម៉ាស៊ីន ៨០១៨៤៨៣ ពាក់ស្លាកលេខ ភ្នំពេញ 1BU 3637 (ជារបស់ជនរងគ្រោះឈ្មោះ យី ស្រ៊ាន ) និង ដែកចុងស្រួចចំនួន០២ , សោរបំពង់លេខ៨ចំនួន០១ (ជារបស់ជនសង្ស័យឈ្មោះ យិន សុវណ្ណ ហៅ ម៉ា ) ។
សមត្ថកិច្ចបានប្រាប់ពីដំណើររឿងហេតុថា កាលពីថ្ងៃទី១៦ ខែវិច្ឆិកា ឆ្នាំ២០១៨ វេលាម៉ោង០៩៖៣០នាទី ជនរងគ្រោះឈ្មោះ យី ស្រ៊ាន បានយកម៉ូតូ០១គ្រឿងម៉ាកស្គូបពី ពណ៍ក្រហម សេរី២០១៣ ពាក់ស្លាកលេខ ភ្នំពេញ 1BU-3637 យកមកចាក់សោរកចតទុកនៅមុខ ផ្ទះជួលគ្មានលេខ ផ្លូវលំ ភូមិទ្រា២ សង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ (ចំណុចកើតហេតុ) ហើយបានចូលទៅរៀបចំសម្ភារៈនៅខាងក្នុងផ្ទះ ពេលនោះជនសង្ស័យឈ្មោះ យិន សុវណ្ណ ហៅ ម៉ា ប្រដាប់ដោយដែកចុងស្រួចចំនួន០២ និង សោរបំពង់លេខ៨ចំនួន០១ បានដើរម្នាក់ឯងចូលមកធ្វើសកម្មភាពកាច់សោរកម៉ូតូម៉ាក Scoopy ពណ៍ក្រហម របស់ជនរងគ្រោះឈ្មោះ យី ស្រ៊ាន បំរ៉ុងយកជិះគេចខ្លួន ពេលនោះជនរងគ្រោះឈ្មោះ យី ស្រ៊ាន បានដើរចេញពីក្នុងផ្ទះមក ឃើញទាន់ក៏ស្រែកឆោឡោឡើង ភ្លាមនោះជនសង្ស័យឈ្មោះ យិន សុវណ្ណ ហៅ ម៉ា បានរត់គេចខ្លួន តែត្រូវកម្លាំងល្បាតនគរបាលប៉ុស្តិ៍ស្ទឹងមានជ័យទី១ បានល្បាតមកដល់ក៏ឃាត់ខ្លួនជនសង្ស័យ យកមកសាកសួរនៅស្នាក់ការនគរបាលប៉ុស្តិ៍ស្ទឹងមានជ័យទី១ ចំណែកជនរងគ្រោះឈ្មោះ យី ស្រ៊ាន ក៏បានមកដាក់ ពាក្យបណ្តឹងឲ្យសមត្ថកិច្ចយើងចាត់ការតាមផ្លូវច្បាប់តែម្តង ។
បច្ចុប្បន្នជនសង្ស័យឈ្មោះ យិន សុវណ្ណ ហៅ ម៉ា ឃាត់ខ្លួននៅអធិការដ្ឋាន នគរបាលខណ្ឌមានជ័យ ដើម្បីកសាងសំណុំរឿងចាត់តាមនីតិវិធី ៕
