បងប្អូនប្រជាពលរដ្ឋបន្តប្រុងប្រយ័ត្នផង!!!បុរសវ័យជាង៥០ឆ្នាំម្នាក់ រស់នៅគល់ស្ពានលេខ១ ភូមិកសិណ ឃុំថ្មពួក ស្រុកថ្មពួក ខេត្តបន្ទាយមានជ័យ បានបាត់ខ្លួនដោយសារទឹកជំនន់
ព័ត៌មានបឋម៖ បុរសវ័យជាង៥០ឆ្នាំម្នាក់ រស់នៅគល់ស្ពានលេខ១ ភូមិកសិណ ឃុំថ្មពួក ស្រុកថ្មពួក ខេត្តបន្ទាយមានជ័យ បានបាត់ខ្លួនដោយសារទឹកជំនន់។ បេីតាមសមត្ថកិច្ចបានអោយដឹងថាលោក ណាត លន អាយុជាង៥០ឆ្នាំ បានជម្លៀសទៅកាន់ទីទួលសុវត្ថិភាពរួចហេីយ តែវេលាម៉ោងប្រមាណ១១ថ្ងៃត្រង់ លោកបាននាំកូនប្រុស២នាក់ ទៅមេីលផ្ទះនិងចង់យកឥវ៉ាន់ខ្លះៗនៅក្នុងផ្ទះ តែដោយសារផ្ទះគាត់នៅគល់ស្ពានរួមនឹងទឹកកំពុងហក់ឡេីងផងនោះ ក៏ធ្វេីអោយបាក់ដីជាប់ផ្ទះធ្លាក់ឪពុកនិងកូនម្នាក់ទៅតាមទឹក។ ភ្លាមៗនោះកូនប្រុសរបស់គាត់បានតោងជាប់នឹងដេីមឈេី ត្រូវបានគេសង្រ្គោះទាន់ពេលវេលា ដោយបុរសជាឪពុករកពុំទាន់ឃេីញនោះឡេីយ។
សូមបញ្ជាក់ថា អាជ្ញាធរដែនដីក៏បានបានជម្លៀសបុរសខាងលើចាកចេញពីលំនៅឋានបណ្ដោះអាសន្នសិន ដោយសារស្ថានភាពទឹកហូរខ្លាំង កាត់លំនៅឋានរបស់គាត់ តែដោយសារគាត់ត្រឡប់មកយកអីវ៉ាន់ទើបមានរឿងរ៉ាវកើតឡើងយ៉ាងដូច្នេះទៅវិញ។
បងប្អូនប្រជាពលរដ្ឋមួយចំនួនលើកឡើងថា បុរសខាងលើគាត់ចេះហែលទឹកប្រហែលជាមិនអីនោះទេ តែទោះជាយ៉ាងណាសមត្ថកិច្ចកំពុងតែស្វែងរកយ៉ាងសស្រាក់សស្រាំ នៅពុំទាន់ឃើញនៅឡើយមកដល់ម៉ោងនេះ ក្នុងនាមបណ្ដាញអង្គភាពសារព័ត៌មានហង្សតូច សូមបួងសួងអោយលោកពូរួចផុតពីគ្រោះភ័យនេះផងចុះ។
