គួរអោយសង្វេគណាស់ ទាំងម្ដាយទាំងកូនស្លាប់យ៉ាងអាណោចអាធ័ម ពេលដើរឆ្លងទឹកហូរទៅបេះម្ទេស

ខេត្តមានជ័យ៖ ម្តាយកូន២នាក់ ខណៈដែលកំពុងមានទឹកជំនន់ បាននាំគ្នាដើរឆ្លងទឹកអូរ បំណងទៅបេះផ្លែម្ទេស តែអកុសល ត្រូវកម្លាំងទឹកហូរកួច បណ្តាលឲ្យលង់ស្លាប់ទាំង២នាក់ម្តាយកូនយ៉ាងអាណោចអាធ័ម។ហេតុការណ៍ដ៏រន្ធត់នេះ បានកើតឡើង កាលពីថ្ងៃទី១៥ ខែតុលា ឆ្នាំ២០២០ នៅភូមិព្រៃវេង ឃុំគម្រូ ស្រុកថ្មពួក ខេត្តបន្ទាយមានជ័យ ។

ក្រោយកើតហេតុ សមត្ថកិច្ចបានចុះអន្តរាគមន៍ ជួយមុជរាវរកឃើញ សពជនរងគ្រោះជាកូនប្រគល់ជូនក្រុមគ្រួសារ ដើម្បីចាត់ចែងរៀបចំធ្វើបុណ្យតាមប្រពៃណីទាំងក្តីសោកសង្វេគជាពន់ពេក។ ចំណែក សពជនរងគ្រោះម្តាយ សមត្ថកិច្ចកំពុងស្វែងរកបន្តទៀត៕