កូនស្រីអកតញ្ញូក្លាយជាឃាតករប្រើដំបងសំពងក្បាលឪពុកខ្លួនឯង ស្លាប់បាត់បង់ជីវិតយ៉ាងអាណោចអាធ័ម

កំពង់ធំ៖កាលពីព្រឹកថ្ងៃទី១២ ខែតុលា ឆ្នាំ២០២០ ស្ថិតនៅភូមិស្វាយកាល់ ឃុំកកោះ ស្រុកសន្ទុក ខេត្តកំពង់ធំ
បុរសវ័យចំណាស់ម្នាក់អាយុ៧៨ឆ្នាំ ត្រូវកូនស្រីបង្កើតយកដំបងឈើមូលមកវ៉ៃចំក្បាលរហូតប្រកាច់ស្លាប់បាត់បង់ជីវិតក្នុងថ្លុកឈាម គ្រាន់តែឪពុកស្តីបន្ទោសបន្តិចបន្ទួចរឿងផឹកស្រា ហេតុតែទឹកប្តូរនិស្ស័យ ធ្វើឱ្យកូនស្រីអកតញ្ញូរូបនោះខឹងសម្បាយ៉ាងខ្លាំងបានទាញដំបងមកវាយសម្លាប់ឪពុកខ្លួនឯងតែម្តង ដោយមិនស្គាល់បាបបុណ្យគុណទោស ជនរងគ្រោះឈ្មោះ លឹម លន់ ភេទប្រុសអាយុ៧៨ ឆ្នាំ បានស្លាប់នៅក្នុងថ្លុកឈាម ដោយស្នាដៃកូនស្រីបង្កើតដែលជាឃាតករ ឈ្មោះ លន់ សារឹម ភេទស្រី អាយុ២៥ឆ្នាំ មានប្តីឈ្មោះ នៀវ សារ៉េត អាយុ៣២ឆ្នាំ មានកូន១នាក់ឈ្មោះ នៀវ វិរ: ភេទប្រុស អាយុ៤ឆ្នាំ។

សាកសពត្រូវក្រុមគ្រួសារធ្វើបុណ្យតាមប្រពៃណី ចំណែកជនបង្កដែលជាឃាតករសម្លាប់ឪពុកត្រូវបានឃាត់ខ្លួនកសាងសំណុំរឿងតាមនីតិវិធី។