បងប្អូនប្រុងប្រយ័ត្នផង!!!ស្ត្រីជាអាជីវករលក់បន្លែម្នាក់ ម៉ូទ័រខ្នោសកូសដូងត្រូវទឹកសើម ឆ្លងចរន្តភ្លេីងបណ្តាលឲ្យឆក់ស្លាប់

ព្រៃវែង៖ស្ត្រីម្នាក់ជាអាជីវករលក់បន្លែម្នាក់ ត្រូវខ្សែភ្លើងឆក់ស្លាប់នៅនឹងកន្លែងលក់ដូរខាងមុខផ្ទះរបស់ខ្លួន។ ហេតុការណ៍នេះ ត្រូវបានភ្ញាក់ផ្អើល កាលពីវេលាម៉ោង១១:៣០នាទីព្រឹក ថ្ងៃទី០៥ ខែតុលា ឆ្នាំ២០២០ នៅចំណុចផ្ទះក្នុងផ្សារទ្រា ស្ថិតនៅភូមិព្រៃមាស​ ឃុំអង្គររាជ្យ ស្រុកព្រះស្តេច ខេត្តព្រៃវែង។
​
តាមប្រភពបានបញ្ចាក់ថា÷សាកសពឈ្មោះ​ ចន​ ម៉ាលីន​ (ហៅស្រីកែវ) ភេទស្រី អាយុ ២៤ឆ្នាំ មានប្តីនិងកូនតូចពីរនាក់ មុខរបរអាជីវករលក់បន្លែនៅផ្សារទ្រា រស់នៅផ្ទះភូមិឃុំខាងលើ ត្រូវខ្សែភ្លេីងអគ្គីសនីឆក់បណ្តាលឲ្យស្លាប់ ពេលបញ្ជូនទៅមន្ទីពេទ្យ។

ប្រភពដដែលបានប្រាប់បន្ថែមថា÷មូលហេតុជនរងគ្រោះត្រូវម៉ូទ័រខ្នោសកូសដូងត្រូវទឹកសើម ឆ្លងចរន្តភ្លេីងបណ្តាលឲ្យឆក់។

សាកសពស្ត្រីរងគ្រោះ បានប្រគល់ជូនក្រុមគ្រួសារធ្វើបុណ្យតាមប្រពៃណី៕