ក្រោមវត្តមានរបស់លោកឧត្តមសេនីយ៍ទោ ហួត ចាន់យ៉ារ៉ាន់ ស្នងការរងតំណាងឯកឧត្តម ស ថេត អគ្គស្នងការរង និងជាស្នងការនគរបាលរាជធានីភ្នំពេញ និងលោកវរសេនីយ៍ឯក ម៉េង វិមានតារា អធិការខណ្ឌ នាព្រឹកថ្ងៃទី១៧ ខែសីហា ឆ្នាំ២០២០នេះ បានចុះត្រួតពិនត្យកម្លាំងតាមបណ្តាប៉ុស្តិ៍ទាំង០៧ ចំណុះអធិការដ្ឋាននគរបាលខណ្ឌមានជ័យ ក្នុុងឱកាសថ្ងៃឈប់សម្រាករយៈពេល០៥ថ្ងៃនេះ….
លោកវរសេនីយ៍ឯក ម៉េង វិមានតារា អធិការខណ្ឌមានជ័យ ៖ កម្លាំងចម្រុះទាំងអស់ចំណុះឲ្យអធិការដ្ឋានខណ្ឌមានជ័យ ត្រូវតែពង្រឹងបន្ថែម នូវកិច្ចការពារសុវត្ថិភាពជូនប្រជាពលរដ្ឋ ក្នុុងឱកាសថ្ងៃឈប់សម្រាករយៈពេល០៥ថ្ងៃ ជំនួសថ្ងៃបុណ្យចូលឆ្នាំប្រពៃណីជាតិខ្មែរ (ចាប់ពីថ្ងៃទី១៧ដល់ថ្ងៃទី២២ខែសីហាឆ្នាំ២០២០នេះ) ដោយប្រជាពលរដ្ឋត្រូវធ្វើដំណើរទៅលេងរមណីយដ្ឋាននានា ក៏ដូចជាចាកចេញពីផ្ទះទៅលេងស្រុកកំណើតរបស់ពួកគាត់នៅតាមបណ្ដាខេត្តនានា ដូច្នេះយើងត្រូវការពារភូមិឋាន លំនៅឋានរបស់ពួកគាត់ ពិសេសលើបទល្មើសចោរកម្ម លួច ឆក់ ប្លន់ គាស់ផ្ទះលួចទ្រព្យសម្បត្តិជាដើម ។
លោកអធិការបន្តថា ធ្វើយ៉ាងណា បង្កេីនការយកចិត្តទុកដាក់ចេញល្បាតពួនស្ទាក់ ត្រៀមលក្ខណៈអន្តរាគមន៍ ទប់ស្កាត់បទល្មេីសទាំងនេះឲ្យខានតែបាន គឺកើតចេញពីការខិតខំប្រឹងប្រែងរបស់បងប្អូននគរបាលទាំងអស់ ចំណុះឲ្យអធិការដ្ឋានខណ្ឌមានជ័យទាំងមូល និងជាការចូលរួមអនុវត្តគោលនយោបាយ ភូមិ-សង្កាត់មានសុវត្ថិភាព ដើម្បីថែរក្សាការពារសន្តិសុខ សុវត្ថិភាពជូនប្រជាពលរដ្ឋ មិនមែនធ្វេីជាមន្ត្រីនគរបាលលំៗ មិនខ្វល់ពីសន្តិសុខ សុវត្ថិភាពរបស់ប្រជាពលរដ្ឋរបស់ខ្លួននោះទេ។ និងត្រូវបែងចែកវេនប្រចាំការ ២៤ម៉/២៤ម៉ោង ឲ្យបានច្បាស់លាស់ផងដែរ។ #ហង្សតូចMedia
