យុវជនម្នាក់ត្រូវបានឃាត់ខ្លួនក្រោយពីឆែកឆេររកឃើញថ្នាំញៀនមួយកញ្ចប់ធំ

ភ្នំពេញ៖ ដោយមានការឃាត់ខ្លួនយុវជនខាងលើនេះក្រោមការ បញ្ជាផ្ទាល់ពីលោកវរសេនីយ៍ឯក ម៉េង វិមានតារា អធិការនគរបាលខណ្ឌមានជ័យ បញ្ជាឲ្យលោកវរសេនីយ៍ត្រី អ៊ុំ រតនា មេប៉ុស្តិ៍ចាក់អង្រែលើ អោយចុះដឹកនាំកម្លាំងល្បាតពួនស្ទាក់ទប់ស្កាត់បទល្មើសផ្សេងៗនៅក្នុងមូលដ្ឋានផងដែរ

ការឃាត់ខ្លួនបុរសខាងលើកាលពីថ្ងៃទី ១៥ ខែ កក្កដា ឆ្នាំ ២០២០ វេលាម៉ោង ១៩និង៣០ នាទី នៅចំណុច មុខសំណង់មិនរៀបរយផ្លូវ៦០ម៉ែត្រក្រុមទី៨ ភូមិ ព្រែកតាគង់សង្កាត់ចាក់អង្រែលេីខណ្ឌមានជ័យ រាជធានីភ្នំពេញ ។ ជនសង្ស័យខាងលើមាន ឈ្មោះ ផេន ម៉េងអាន ភេទ ប្រុសអាយុ ២៣ឆ្នាំ ជនជាតិខ្មែរ មុខរបរ មិនពិតប្រាកដ ស្នាក់នៅមិនពិតប្រាកដ

កំលាំងប៉ុស្តិ៍នគរបាលរដ្ឋបាលចាក់អង្រែលេី ចុះល្បាតក្នុងមូលដ្ឋានមកដល់ចំណុច កេីតហេតុខាងលេីក៏ប្រទះឃេីញជនសង្ស័យឈ្មោះផេនម៉េងអាន កំពុងឈរលក់ថ្នាំញៀនក៏ឃាត់ត្រួតពិនិត្យ ឃេីញមានក្រាមសថ្លាចំនួន ០១ កញ្ចប់ថង់ធំល្មម (សង្ស័យជាគ្រឿងញៀ)ក៏ឃាត់ខ្លួនយកមកធ្វេីការសាកសួរនៅប៉ុស្តិ៍នគរបាលចាក់អង្រែលេីតែម្ដង។ វត្ថុតាងដកហូត មាន៖ ក្រាមពណ៍សថ្លា ចំនួន០១កញ្ចប់ថង់ធំល្មម ។ បច្ចុប្បន្នជនសង្ស័យ ឈ្មោះ ផេនម៉េងអាន ឃាត់ខ្លួន នៅអធិការដ្ឋាននគរបាលខណ្ឌមានជ័យ កសាងសំណុំរឿងតាមនិតិវិធីច្បាប់។