សមត្ថកិច្ចខេត្តស្ទឹងត្រែងចាប់បានជនជាតិឡាវ២នាក់នាំគ្រឿងញៀនចូលប្រទេសកម្ពុជា

ស្ទឹងត្រែង៖ ជនជាតិឡាវ២នាក់ត្រូវបានឃាត់ខ្លួនបន្ទាប់ពីកំពុងធ្វើសកម្មភាពនាំគ្រឿងញៀនចូលនៅក្នុងប្រទេសកម្ពុជា តាមច្រកខេត្តស្ទឹងត្រែង ភាគឦសាន នៃប្រទេសកម្ពុជា។

ជនសង្ស័យ២នាក់ដែលជាជនជាតិឡាវសមត្ថកិច្ចធ្វើការឃាត់ខ្លួនកាលពីថ្ងៃទី១១ ខែកក្កដា ឆ្នាំ២០២០ ត្រងចំណុចផ្លូវលំ ស្ថិតក្នុងភូមិអូរស្វាយ ឃុំអូរស្វាយ ស្រុកបុរីអូរស្វាយសែនជ័យ ខេត្តស្ទឹងត្រែង។
ចំណែកជនសង្ស័យទាំង២នាក់មានអត្តសញ្ញាណពិតប្រាកដ្យមានដូចខាងក្រោម៖
១. ឈ្មោះស៊ូ បាន់ភេទប្រុស អាយុ ៣២ឆ្នាំ មុខរបរ(គ្រូអង់គ្លេស) មានស្រុកកំណើត ភូមិណាសែងខាំស្រុកសៃខេត្តឧត្តមសៃ។
២. ឈ្មោះចាន់ឌីភេទប្រុសអាយុ ៣១ឆ្នាំរស់នៅភូមិភៀងញ៉ស្រុកសៃខេត្តឧត្តមសៃ។

សមត្ថកិច្ចដកហូតបានវត្ថុតាងគ្រឿងញៀនប្រភេទមេតំហ្វេតាមីន( IEC)ចំនួន ៦កញ្ចប់ធំ ដែលមានទម្ងន់ស្មើរនិង៥៩៨៦,២៩ក្រាម។
បច្ចុប្បន្នជនសង្ស័យ និងវត្ថុតាងត្រូវបានសមត្ថកិច្ចបញ្ជូនមកកាន់ស្នងការដ្ឋាននគរបាលខេត្តស្ទឹងត្រែងដើម្បីធ្វើការសាកសួរនាំចាត់ការតាមនិតិវិធីច្បាប់៕