នាំគ្នាទៅរាវគ្រំ និង ត្រី នៅក្នុងទឹកស្ទឹង បែរជាលង់ទឹកស្លាប់ម្នាក់
(ភ្នំពេញ) ៖ យុវជនជាសិស្សអង្គការម្នាក់រួមមិត្តភ័ក្ដិជា ច្រើននាក់ បាននាំគ្នាទៅលេងទឹកស្ទឹងរាវត្រីរាវគ្រុំ ស្រាប់តែភ្លាត់ស្នៀតចំកន្លែងទឹកជ្រៅ បណ្ដាលឲ្យលង់ស្លាប់ បង្កឲ្យមានការភ្ញាក់ផ្អើលឡើងនៅវេលាម៉ោង ០៣ និង ៣០នាទី រសៀល ថ្ងៃទី១៩ ខែមេសា ឆ្នាំ២០២០នៅក្នុងទឹកស្ទឹង ដែលស្ថិតនៅ ភូមិក្រាំងតាផូ តាម បណ្ដោយផ្លូវទំនប់ ៧មករា សង្កាត់សាក់សំពៅ ខណ្ឌដង្កោ រាជធានីភ្នំពេញ ។
សពជនរងគ្រោះមានឈ្មោះ ធា ផាតទីយ៉ា ភេទប្រុស អាយុ១៥ ឆ្នាំ មុខរបរ សិស្ស អង្គការ ស្គុត ស្នាក់នៅជាមួយអង្គការ សង្កាត់ស្ទឹងមានជ័យ២ ខណ្ឌមានជ័យ រាជធានីភ្នំពេញ មានស្រុកកំណើត ក្រុង ប៉ោយប៉ែត ។
តាមសម្ដីរបស់មិត្តភ័ក្ដិដែលរៀននៅ ឭសាលាអង្គការជាមួយគ្នាបានឲ្យដឹងថា មុនពេលកេីតហេតុ ពួកគេមានគ្នាប្រុសស្រីចំនួន៩នាក់ ទាំងជនរងគ្រោះ គឺបានមកលេងផ្ទះ អ្នកស្គាល់គ្នានៅភូមិទួលសំបូរ សង្កាត់សាក់សំពៅ ខណ្ឌដង្កោ ហេីយនៅពេលដែលមកលេងដល់ផ្ទះអ្នកស្គាល់គ្នា ពួកគេទាំងអស់ក៍បានបបួលគ្នាមកលេងទឹកស្ទឹង ដេីម្បីរាវរកត្រី និង គ្រំ តាមចិត្តនឹកឃើញ ស្រាប់តែពេលនោះដែរ ដោយសារពួកគេ មិនស្គាល់ភូមិសាស្ត្រ ច្បាស់ក្នុងទឹកស្ទឹងផង ជនរង គ្រោះបានដេីរទៅប៉ះចំកន្លែងទឹកជ្រៅ ទើបបណ្ដាលឲ្យលង់ទឹកតែម្ដង ។
ប្រភពដដែលបានបន្តទៀតថា នៅពេលដែលជនរង គ្រោះលង់ទឹក គឺជនរងគ្រោះបានស្រែកឲ្យគេជួយ តែមិនមានអ្នកណាហ៊ានជួយទេ ព្រោះពួកគេទាំងអស់មិនសូវចេះហែលទឹក ។
ក្នុងហេតុការណ៍នោះដែលបន្ទាប់ពីជនរងគ្រោះលិចទឹកបាត់ជិត១ម៉ោង ទេីបផ្អើលអ្នកភូមិ ក៏ដូចជាសមត្ថកិច្ច មូលដ្ឋាន បានចុះទៅកន្លែងកើតហេតុ ជួយរុករក អស់រយៈពេលជិតកន្លះម៉ោងបន្ថែមទៀត ទើបរកជនរងគ្រោះឃើញ ក៏បានស្រង់មកដាក់លេីគោក រួចក៏ បានហៅរថយន្តសង្គ្រោះឲ្យមកជួយសង្រ្គោះ តែជាអកុសល នៅពេលរថយន្តសង្គ្រោះបានមកជនរងគ្ រោះ គឺបានដាច់ខ្យល់ស្លាប់បាត់ទៅហើយ ។
ក្រោយមកសមត្ថកិច្ចមូលដ្ឋានក៍ដូចជាជំនាញ បានចុះទៅពិនិត្យកន្លែងកើតហេតុ រួចហើយក៍បាន ទំនាក់ ទំនងហៅសាច់ញាតិ របស់ជនរងគ្រោះផងដែរ ដោយតែ សាច់ញាតិរបស់ជនរងគ្រោះ នៅខេត្តឆ្ងាយ ទេីបសមត្ថកិច្ចទាក់ទង ជាមួយខាងអង្គការឲ្យដឹកសពជនរងគ្រោះយកទៅតម្កល់នៅវត្ត ឬស្សីសាញ់ ខណ្ឌដង្កោ ដេីម្បីរង់ចាំសាច់ញាតិមកទទួលយកទៅធ្វើបុណ្យតាមប្រពៃណី ៕
