នគរបាលខណ្ឌមានជ័យ  ចាប់ឃាត់ខ្លួន បុរស២នាក់  បេីករថយន្ត  FRONTIER រត់គេចគោលដៅត្រួតពិនិត្យ  ត្រូវបានកម្លាំងអន្តរាគមន៍ពិសេស  ដេញតាមឃាត់បាន  ឆែករកឃេីញ  ថ្នាំញៀន ២២កញ្ចប់  និងឧបករណ៍ វេចខ្ចប់   ប្រេីប្រាស់ មួយចំនួនទៀត

រាជធានីភ្នំពេញ  ៖ កម្លាំងនគរបាលខណ្ឌមានជ័យ ចាប់ឃាត់ខ្លួនជនសង្ស័យពីរនាក់ បន្ទាប់ពីបេីករថយន្ត  NISSAN  FRONTIER រត់គេចពីគោលដៅ ក៏ត្រូវបានកម្លាំងអន្តរាគមន៍ពិសេស  នៃអធិការដ្ឋានខណ្ឌមានជ័យ  ប្រដេញតាមឃាត់បាន  យកមកត្រួតពិនិត្យឆែកឆេរ  រកឃេីញ គ្រឿងញៀន  ចំនួន២២កញ្ចប់ (តូច២១កញ្ចប់, និងធំ០១កញ្ចប់)  ទេីបវាយខ្នោះបញ្ជូនទៅស្នាក់ការប៉ុស្តិ៍ចាក់អង្រែក្រោម ដេីម្បីសាកសួរ ភ្លាមៗ  ។

ការឃាត់ខ្លួននេះធ្វេីឡេីងនៅអំពុងពេល ដាក់គោលដៅរឹតបន្តឹងច្បាប់ចរាចរណ៏ផ្លូវគោក និងត្រួតពិនិត្យអ្នកបេីកបរ ក្រោមឥទ្ធិពលគ្រឿងស្រវឹង  កាលពីយប់ថ្ងៃសៅរិ៍ ទី១៤ ឈានចូលរំលងអាធ្រាត្រ ថ្ងៃអាទិត្យ  ទី១៥ ខែមីនា ឆ្នាំ២០២០ នៅត្រង់ចំណុចមុខក្រុមហ៊ុនលក់រថយន្តម៉ែកសឺដេស (Mercedes) ជាប់សាលាអន្តរជាតិISPP លេីផ្លូវ៦០ម៉ែត កែងផ្លូវ៣០ម៉ែត្រ ស្ថិតក្នុងភូមិទួលរកា សង្កាត់ចាក់អង្រែក្រោម ខណ្ឌមានជ័យ ។

ជនសង្ស័យទាំងពីរនាក់ត្រូវបានសមត្ថកិច្ចឃាត់ខ្លួនពីបទ ជួញដូរដោយខុសច្បាប់  នូវសារធាតុញៀន  មានដូចជា ទី១.ជាអ្នកបេីកបររថយន្តមានឈ្មោះ នេត និត ភេទប្រុស អាយុ៤២ឆ្នាំ ជនជាតិខ្មែរ មុខរបរលក់ដូរ Online ស្នាក់នៅផ្ទះជួល ភូមិទឹកថ្លា សង្កាត់ទឹកថ្លា ខណ្ឌសែនសុខ រាជធានីភ្នំពេញ (ឃាត់ខ្លួនមានផ្ទុកសារធាតុ)។ ២.ឈ្មោះ សេត ប្រាសឺត ភេទប្រុស អាយុ៤២ឆ្នាំ ជនជាតិថៃ សញ្ជាតិអាមេរិក ស្នាក់នៅបន្ទប់លេខ១០៥ ក្នុងសណ្ឋាគារឡាក់គីស្តារ សង្កាត់ផ្សារដើមគរ ខណ្ឌទួលគោក រាជធានីភ្នំពេញ (ឃាត់ខ្លួនមានផ្ទុកសារធាតុញៀន) ។

បេីតាមសម្ដីលោកវរសេនីយ៍ទោ ម៉េង  វិមានតារា  អធិការខណ្ឌមានជ័យ  បានប្រាប់ឲ្យដឹងថា  នៅវេលាម៉ោង០០:៣០នាទីរំលងអាធ្រាត្រ ឈានចូលថ្ងៃអាទិត្យ  ទី១៥ ខែមីនា ឆ្នាំ២០២០ ខណៈពេលដែលកម្លាំងចម្រុះស្នងការដ្ឋាននគរបាលរាជធានីភ្នំពេញ និងកម្លាំងអធិការដ្ឋាននគរបាលខណ្ឌមានជ័យ សហការជាមួយកម្លាំង នគរបាលប៉ុស្តិ៍រដ្ឋបាលចាក់អង្រែក្រោម ដែលដឹកនាំដោយរូបលោកផ្ទាល់នោះ  បានបន្តដាក់គោលដៅរឹតបន្តឹងច្បាប់ចរាចរណ៏ផ្លូវគោក ខណៈពេលកំពុងឃាត់ រថយន្ត និង ម៉ូតូ ជា ច្រើន គ្រឿង  ត្រួតពិនិត្យ អាវុធ ជាតិ ផ្ទុះ   ជាតិ ស្រវឹង   គ្រឿងញៀន  អនុវត្តតាមបទបញ្ជារបស់ ឯកឧត្ដម ឧត្តមសេនីយ៍ឯក  ស  ថេត  ស្នងការនគរបាលរាជធានីភ្នំពេញ  ស្រាប់តែមានរថយន្តមួយគ្រឿង  ម៉ាកនីសាន់ (NISSAN  FRONTIER) ពណ៍ប្រផេះ ពាក់ស្លាកលេខភ្នំពេញ  2AE-2736 បេីកបរដោយបុរសពីរនាក់(ជនសង្ស័យ ) ម្នាក់ជាអ្នកបេីកបររថយន្ត និងម្នាក់ទៀតជាអ្នករួមដំណេីរ  បា នធ្វេីដំណេីរមកតាមផ្លូវ៦០ម៉ែត្រ  បត់មកផ្លូវ៣០ម៉ែត្រ  បានបន្តិចក៏ឃេីញសមត្ថកិច្ចកំពុងដាក់គោលដៅត្រួតពិនិត្យ  ក៏បួងចង្កូតត្រលប់ក្រោយរត់គេច ដោយមាន អាការៈមេីលទៅ គួរឲ្យសង្ស័យ  ទេីបលោកអធិការបញ្ជាអោយកម្លាំង អន្តរាគមន៍ ពិសេស  ដែលកំពុងឈរជេីង  រងចាំប្រដេញតាមរួចជាស្រេចនោះ  ចេញអន្តរាគមន៍ ប្រដេញតាមស្ទាក់ឃាត់បាន  រួចបេីកត្រលប់មកគោលដៅវិញ  ។

លោកអធិការខណ្ឌមានជ័យ  ម៉េង  វិមានតារា  បានបន្តទៀតថា  បន្ទាប់មកលោក បានបញ្ជាឲ្យកម្លាំងធ្វេីការត្រួតពិនិត្យឆែកឆេរ  ជាក់ស្ដែង  រកឃេីញ ក្រាមសថ្លា  (សង្ស័យជាគ្រឿងញៀន ) ចំនួន ០១កញ្ចប់តូច  នៅក្នុង ហោប៉ៅ ខាងស្ដាំអ្នកបេីកបរ  ទេីបលោកបានឲ្យកម្លាំងបន្តធ្វេីការត្រួតពិនិត្យមេីលក្នុងរថយន្តនោះ  ជាក់ស្ដែង សមត្ថកិច្ចបានរកឃេីញ  ក្រាមពណ៌សថ្លា សង្ស័យជាគ្រឿងញៀន  ចំនួន១កញ្ចប់ធំទៀត  ដែលលាក់ទុកក្នុងកាបូបស្ពាយពណ៍ខ្មៅ  រួមទាំងជញ្ជីងថ្លឹងចំនួន២  និងសម្ភារៈវេចខ្ចប់ថ្នាំ មួយចំនួន ទៀត  រួចលោកអធិការក៏អោយកម្លាំងវាយខ្នោះឃាត់ខ្លួន បុរស(ជនសង្ស័យ )ទាំងពីរនាក់នោះ  បញ្ជូនទៅធ្វេីការសាកសួរ  នៅស្នាក់ការប៉ុស្តិ៍នគរបាលចាក់អង្រែក្រោម ។

គ្រាន់តែចុះពីលេីរថយន្ត  កម្លាំងអន្តរាគមន៍ពិសេស ខណ្ឌមានជ័យ  បានត្រួតពិនិត្យរកឃើញថ្នាំញៀនជាង២០កញ្ចប់ទៀត  ដែលបិទជាប់ ភ្លៅខាងស្ដាំជនសង្ស័យដែលជាអ្នកបេីកបររថយន្តដដែលនោះ  និងបានប្រគល់ឲ្យផ្នែកជំនាញ សួរនាំ  និងឃាត់ ខ្លួន នៅ អធិការដ្ឋាននគរ បាល ខណ្ឌមានជ័យ ដើម្បី កសាង  សំណុំ រឿង  រងចាំ ចាត់ការបន្តតាមនីតិវិធី  ។

វត្ថុតាងចាប់យករួមមាន: ក្រាមសថ្លាចំនួន២២កញ្ចប់ (ថង់តូច២១កញ្ចប់,ថង់ធំ០១កញ្ចប់) ។ កែវជាឧបករណ៍ សំរាប់ជក់គ្រឿងញៀនមួយចំនួន។ ថង់ប្លាស្ទិកមួយចំនួន ។ ទូរស័ព្ទចាស់ៗចំនួន២គ្រឿង និងរថយន្ត០១គ្រឿង  ម៉ាកនីសាន់ (NISSAN  FRONTIER) ពណ៍ប្រផេះ ពាក់ស្លាកលេខភ្នំពេញ  2AE-2736 ។ លិខិតឆ្លងដែន UNITED Stated ចំនួន០១ក្បាល លេខ567589888 ។ ចិញ្ចៀនត្បូង(ស)០១ វង់ និងខ្សែក.លោហធាតុ ពណ៌ស ចំនួន០១ខ្សែ។

បច្ចុប្បន្នជនសង្ស័យទាំងពីរនាក់  ត្រូវបានឃាត់ខ្លួនប្រគល់ឲ្យផ្នែកជំនាញ សួរនាំ  និងឃាត់ ខ្លួន នៅ អធិការដ្ឋាននគរ បាល ខណ្ឌមានជ័យ ដើម្បី កសាង  សំណុំ រឿង  រងចាំ ចាត់ការបន្តតាមនីតិវិធី  ៕