រថយន្តដឹកប្រេងរបស់ក្រុមហ៊ុន Savi mex បើកបុកម៉ូតូពីក្រោយហើយបួងចង្កូតបុកចូលផ្ទះប្រជាពលរដ្ឋបណ្តាលអោយមនុស្សម្នាក់រងរបួសនឹងខូចខាតទ្រព្យសម្បត្តិមួយចំនួន
(ភ្នំពេញ) ៖ រថយន្តដឹកប្រេងរបស់ក្រុមហ៊ុន Savimex មួយគ្រឿងបានបើកបរក្នុងល្បឿនលឿនជ្រុលបុកបុរសម្នាក់កំពុងជិះម៉ូតូពីមុខបណ្តាលអោយរងរបួសហើយបានបួងចង្កូតគេចជ្រុលទៅបុកចូលផ្ទះប្រជាពលរដ្ឋបន្ថែមទៀត ដោយហេតុការណ៍នេះបានកើតឡើងកាលពីវេលាម៉ោង ១២នឹង៣០នាទី ថ្ងៃទី១២ ខែ ធ្នូ ឆ្នាំ ២០១៩ ស្ថិតតាមបណ្តោយផ្លូវ៥០ម៉ែត្រ ក្នុងភូមិអន្លង់គង់ថ្មី សង្កាត់ព្រៃស ខណ្ឌដង្កោ រាជធានីភ្នំពេញ។
តាមសម្តីប្រជាពលរដ្ឋដែលឃើញហេតុការណ៍បានអោយដឹងថានៅមុនពេលកើតហេតុគេបានឃើញ បុរសម្នាក់បានជិះម៉ូតូឌ្រឹមសង់មួយគ្រឿង ធ្វើដំណើរតាមបណ្តោយផ្លូវ៥០ម៉ែត្រ ទិសដៅពីជើងទៅត្បូង ខណៈមកដល់ចំណុចកើតហេតុស្របពេលនោះក៏មានរថយន្តដឹកប្រេងរបស់ក្រុមហ៊ុនSavimex មួយគ្រឿង បានបើកបរស្របទិសគ្នាជាមួយម៉ូតូក្នុងល្បឿនយ៉ាងលឿន ហើយដោយជាន់ហ្វ្រាំងមុនសុីបានជ្រុលបុកម៉ូតូពីក្រោយបណ្តាលអោយអ្នកជិះម៉ូតូបានរងរបួសធ្ងន់បញ្ជូនទៅកាន់មន្ទីរពេទ្យភ្លាមៗ ចំណែករថយន្តនៅមិនទាន់អស់ល្បឿនបានេរចង្កូតមកស្តាំដៃបុកចូលផ្ទះប្រជាពលរដ្ឋខ្ទេចអស់មួយខ្នង ធ្វើក្បាលរថយន្តគៀបជាប់ជាមួយជញ្ជាំងផ្ទះបន្តដំណើរទៅមុខលែងរួច។ ភ្លាមៗនោះដោយសារឃើញសភាពអ្នកជិះម៉ូតូរងរបួសធ្ងន់ទើបតៃកុងរថយន្តបានចុះពីលើករថយន្តរត់គេចខ្លួនបាត់ ស្រមោលចោលរថយន្តនៅកន្លែងកើតហេតុ ។
ក្រោយកើតហេតុសមត្ថកិច្ចមូលដ្ឋានបានចុះមកដល់កន្លែងដោយសហការជាមួយសមត្ថកិច្ចជំនាញចរាចរវាស់វែង ប៉ុន្តែដោយសារភាគីបង្កបានសុំសម្របសម្រួលដោយបានសងសំណងទៅអោយម្ចាស់ផ្ទះចំនួន៩៥០ដុល្លារនឹងភាគីម៉ូតូចំនួន២៥០ដុល្លារដើម្បីបញ្ចប់រឿងតែម្តង៕
