បុកទ្រូងផ្លូវទាំងព្រឹក ! ចេញពីតុបតែងរោងការអត់ងងុយ បេីករថយន្តត្រឡប់មកផ្ទះវិញ រេចង្កូតទៅបុករបាំងថ្មពុះចែកទ្រូងផ្លូវ
ភ្នំពេញ ៖ រថយន្តព្រូសបើកបុកទ្រូងផ្លូវបណ្ដាលឲ្យរងការខូចខាតផ្នែកខាងមុខនិងបាក់របាំងថ្មមួយកង់ ហេតុការណ៍ខាងលើនេះកើតឡើងកាលពីវេលាម៉ោង ៧ និង ៣០ នាទី ព្រឹកថ្ងៃទី០៨ ខែធ្នូ ឆ្នាំ២០១៩ នៅចំណុចផ្លូវជាតិលេខ២ សង្កាត់ចាក់អង្រែក្រោម ខណ្ឌមានជ័យ ។
យោងតាមប្រភពពីសមត្ថកិច្ចបានប្រាប់ឲ្យដឹងថា មុនកើតហេតុ បុរស៤នាក់ ចេញពីតុបតែងរោងការ បើករថយន្ត PRUIS មួយគ្រឿង ត្រលប់ទៅផ្ទះវិញ ក្នុងល្បឿនលឿនសង្ស័យងោកមួយភាំង ក៏ជ្រុលទៅបុករបាំងថ្មពុះចែកទ្រូងផ្លូវ បណ្តាលឱ្យបាក់អស់១កង់ និងខ្ទេចរថយន្តអស់មួយកំណាត់មុខកល់ជាប់លេីរបាំងថ្ម បេីកទៅមុខលែងរួច និងបណ្ដាលឲ្យមានអ្នករបួសម្នក់ ត្រូវបញ្ជូនទៅមន្ទីរពេទ្យ បង្កការភ្ញាក់ផ្អេីលដល់អ្នកដំណេីររាយការណ៍ប្រាប់សមត្ថកិច្ចមូលដ្ឋាន ចុះមកជួយសម្រួលចរាចរណ៍ផងដែរ ។
ក្រោយពេលកើតហេតុសមត្ថកិច្ចជំនាញចរាចរណ៍ចុះមកស្ទូចរថយន្ដយកទៅរក្សាទុកនៅការរិយាល័យចរាចរណ៍ផ្លូវគោកនៃ ស្នងការដ្ឋាននគរបាលរាជធានីភ្នំពេញ ដើម្បីដោះស្រោយគ្នាពេលក្រោយ ៕
