គ្រោះថ្នាក់ចរាចរណ៍មួយកើតឡើង បង្កដោយរថយន្ដដឹកទំនិញ ២.៥តោន ស្ថិតក្នុងចំណុចស្ពានអូរក្រាំងអំបិល
ខេត្តកំពង់ស្ពឺ ៖ មានករណីគ្រោះថ្នាក់ចរាចរណ៍មួយកើតឡើងនៅលេីកំណាត់ផ្លូវជាតិលេខ៤ ស្ថិតក្នុងចំណុចស្ពានអូរក្រាំងអំបិល ភូមិអូរក្រាំងអំបិល ឃុំត្រពាំងគង ស្រុកសំរោងទង ខេត្តកំពង់ស្ពឺ កាលពីវេលាម៉ោង១៧:១៥នាទី នាថ្ងៃទី២៧ ខែវិច្ឆិកា ឆ្នាំ២០១៩ ដែលបង្កឡេីងដោយរថយន្ដដឹកទំនិញប្រភេទ ២.៥តោន ពណ៌ខៀវ មានទ្រុងពណ៌ប្រផេះ ដឹកឥដ្ឋការ៉ូ គ្រោះថ្នាក់ចរាចរណ៍លេីស្ពានតែម្ដង បណ្ដាលឲ្យរងរបួសអ្នកបេីកបររថយន្ដ តែមិនបង្កឱ្យរងរបួសអ្នកដំណេីរផ្សេងទៀតឡេីយ ។
បច្ចុប្បន្នសមត្ថកិច្ចនគរបាលស្រុកសំរោងទង កំពុងចំណាត់ការស្ទូច អូសយករថយន្តចេញ ដេីម្បីសម្រួលចរាចរណ៍ជូនបងប្អូនប្រជាពលរដ្ឋឆ្លងកាត់ ពិសេសអ្នកដំណេីរមកពីទិសខាងកេីតសូមបត់ឆ្វេងដៃតាមផ្លូវភូមិត្រពាំងខ្យង ដេីម្បីបញ្ចៀសការកកស្ទះ។
