កម្លាំងការិយាល័យប្រឆាំងគ្រឿងញៀនសហការជាមួយកម្លាំងអធិការដ្ឋាននគរបាលស្រុកសូទ្រនិគម ឃាត់ខ្លួនជនសង្ស័យចំនួន ០៤នាក់ ពីបទ រក្សាទុក ជួញដូរ ចាត់ចែង និងប្រើប្រាស់ដោយខុសច្បាប់នូវសារធាតុញៀន

សៀមរាប ៖ ថ្ងៃចន្ទ ១៤រោច ខែកត្តិក ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី ២៥ ខែ វិច្ឆិកា ឆ្នាំ២០១៩ វេលាម៉ោង២២:៣០នាទី កំលាំងការិយាល័យ ប្រឆាំងគ្រឿងញៀនបានចូលរួមសហការជាមួយកំលាំងអធិការដ្ឋាននគរបាលស្រុកសូទ្រនិគមចុះបង្ក្រាបបទ រក្សាទុក ជួញដូរ ចាត់ចែង និង ប្រើ ប្រាស់ដោយខុសច្បាប់នូវសារធាតុញៀននៅចំនុចភូមិពពេលកណ្តាល ឃុំពពេល ស្រុកសូទ្រនិគម ខេត្តសៀមរាប ធ្វើការឃាត់ខ្លួនជនសង្ស័យចំនួន ០៤នាក់ ។

វត្ថុតាងដែលសមត្ថកិច្ចធ្វើការដកហូតបានរួមមាន: ម្សៅមេតំហ្វេតាមីនប្រភេទទឹកកកចំនួន ០៣ កញ្ចប់ស្មើនឹងទម្ងន់ ០,៥ក្រាម (ថ្លឹងទាំងសំបក) ទូរស័ព្ទដៃចំនួន ០១គ្រឿង និងឧបករណ៍ប្រើប្រាស់គ្រឿងញៀនមួយចំនួនទៀត។

បច្ចុប្បន្ន ជនសង្ស័យត្រូវបានសមត្ថកិច្ចឃាត់ខ្លួន និងកសាងសំណុំរឿងបញ្ចូនទៅសាលាដំបូងដេីម្បីអនុវត្តតាមនីតិវិធីបន្ត៕