វិធីសាស្ត្រដាំដូងតឿឲ្យទទួលបានផ្លែល្អ ធំលឿន (វីដេអូ)
*វិធីដាំ៖
- ត្រូវជីករណ្តៅ ១ម៉ែត្រ ៤ជ្រុង ជំរៅមួយម៉ែត្រ បើធំ និងជ្រៅជាងនេះកាន់តែល្អ
- លាយដីល្អជាមួយជីកំប៉ុស្ត៍កំទេចស្លឹកឈើងាប់ដាក់ចូលអោយពេញរណ្តៅ
- ដីដាំដូង ត្រូវមានដង្ហើមទឹករាក់ៗចាប់ពី ៣ម៉ែត្រ ទៅ ៨ម៉ែត្រ គិតពីនីវ៉ូទឹកមកដីខាងលើ
- ដីមិនលិចទឹក តែមានសំណើមទឹក និងជាតំបន់ឧស្សាហ៍មានភ្លៀងធ្លាក់
- រៀបប្រព័ន្ធតំណក់ទឹក ឬប្រព័ន្ធទឹកសាច ឬកាយប្រឡាយទឹក ដែលប្រឡាយទឹកចំណាយច្រើនប្រព័ន្ធទឹកសាចចំណាយមធ្យម និងប្រព័ន្ធតំណក់ទឹក ចំណាយតិចជាងគេ
- ថែមជីកំប៉ុស្ត៍ និងជី NPK ជារៀងរាល់ឆ្នាំ
- ដាក់តំណក់ទឹករៀងរាល់ថ្ងៃនៅរដូវក្តៅ ឬទឹកសាចរៀងរាល់ ៣ថ្ងៃម្តង
- ភ្ជួរជ្រោយដី និងកាត់ស្មៅរៀងរាល់ឆ្នាំ
- ដាក់អំបិលជុំវិញគល់ ដើម្បីការពារពីសត្វល្អិតស៊ីឬសដួង និងបន្សាបជាតិអាស៊ីតតរបស់ដី
- ហាមដុតភ្លើងក្នុងចំការដូង
- ចំណាំ ជីកំប៉ុស្ត៍ និងទឹកគ្រប់គ្រាន់ ១៥លីត្រក្នុងមួយដើមជារៀងរាល់ថ្ងៃ នៅរដូវក្តៅសំខាន់ណាស់ជាកត្តាកំណត់អោយជោគជ័យ នៃដំណាំដូង។
- ប្រព័ន្ធតំណក់ទឹក ជួយសំលាប់សត្វល្អិត នៅខាងក្រោមឬសដូងជួយអោយដូងលូតលាស់បានល្អ ផ្លែឆាប់ធំ ផ្លែបានច្រើន ផ្លែធំល្អ ផ្លែមានទឹកច្រើន។
- ជីកំប៉ុស្ត៍ ជួយដល់ការលូតលាស់បានល្អ រស់ជាតិទឹក និងសាច់ឆ្ងាញ់ សាច់ក្រាស់ មានរ៉ែច្រើន មានវីតាមីនច្រើន និងដូងមានប្រេងច្រើន ផ្លែច្រើន ផ្លែធំល្អ ជាពិសេសធ្វើអោយដើមដូងមានសុខភាពរឹងមាំល្អ។
- បើគ្មានទឹក និងជីកំប៉ុស្ត៍ទេ ពុកម៉ែបងប្អូន កុំសង្ឃឹមថាដាំដូងបានជោគជ័យអោយសោះ!
ដូងខ្ចី បច្ចុប្បន្ននៅខ្មែរយើង ២ ៥០០រៀល បោះដុំ ១ ៥០០រៀល ទៅ ១ ៨០០រៀល។ ទិញនៅចំការចាំរាប់ផ្លែយកលុយស្រាប់មួយផ្លែ ចាប់ពី ៧០០រៀល ទៅ ១ ២០០រៀល។ - ធានាអោយតែដាក់ទឹក និងជីកំប៉ុស្ត៍ ប្រាកដជានឹងទទួលបានចំណូល ចាប់ពី ៥ 000$ ទៅ ៨ 000$ ក្នុងមួយហិចតាក្នុងមួយឆ្នាំតាមខ្នាតដូងក្រអូប ៦×៦ម និងដូងធម្មតា ៨x៨ម។
**បញ្ជាក់សំរាប់ការដាំបែបលើករោង៖
*ប្លង់ទី១ ទទឹងរោង ៦.៩ម៉ ទទឹងប្រឡាយទឹក ៦.៩ម៉ ទទឹងរវាងការដាំ ៨ម៉ បាទ
*ប្លង់ទី២ ទទឹងរោង ៩.៩ម៉ ទទឹងប្រឡាយ ៣.៩ម៉ រយះដាំពីមាត់ប្រឡាយ ១.៥ម៉ រយះរវាងដើម ៨ម៉ យើង និងសល់ ប្រលោះកណ្ដាលសំរាប់ធ្វើការ ៦.៩ម៉ បើមើលថែល្អ រយះពេល ៣ឆ្នាំ បានទទួលផលហើយ៕
សូមកុំភ្លេចថាហ្វីលីពីនដាំដូងបានចំណូលលើសខ្មែរដាំស្រូវទៅទៀត។
សូមទស្សនាវីដេអូ៖
ប្រភព លោក កាន់ ចន្ធី
ដកស្រង់ដោយ៖ Cambofox
