(មានវីឌីអូ) យុវជនម្នាក់បានយកសាំងចាក់ដុតខ្លួនឯងនៅក្បែរស្ពាននាគកោះពេជ្រ តែត្រូវបានប្រជាពលរដ្ឋជួយសង្រ្គោះពន្លត់ទាន់ពេលវេលា សង្ស័យមានវិបត្តិ……

ភ្នំពេញ៖ បុរសម្នាក់បានយកសាំងចាក់ដុតខ្លួនឯងបណ្តាលអោយខ្លោចរោលពេញខ្លួន នៅចំណុចស្ពាននាគទល់មុខណាហ្គាវើលកាលពីវេលាម៉ោង១និង៣០នាទីរសៀលថ្ងៃទី១១ខែកញ្ញាឆ្នាំ២០១៩ស្ថិតក្នងសង្កាត់ទន្លេបាសាក់ ខណ្ឌចំការមន។

តាមប្រភពពីបងប្អូនប្រជាពលរដ្ឋនៅក្បែរកន្លែងកើតហេតុនោះបានអោយដឹងថា មុនពេលកើតហេតុបានឃើញបុរសខាងលើជិះម៉ូតូម៉ាក ធូដេ ពណ៍បៃតងស្លាកលេខ1H-7712បានមកឈប់នៅជិតស្ពាននាគចំណុចខាងលើដោយមានកាន់ដបសាំងរួចក៏បានធ្វើសកម្មភាពចាក់លើខ្លួនឯងបណ្តាលអោយឆាបឆេះរោលពេញខ្លួនផ្អើលដល់បងប្អូនប្រជាពលរដ្ឋនៅក្បែរនោះធ្វើការជួយសង្រ្គោះតែម្តង។

ប្រភពពីសមត្ថកិច្ចបានអោយដឹងាថាបុរសខាងលើដែលប៉ងដុតខ្លួនឯនោះមានឈ្មោះ ភឿក ទូច អាយុ២៥ឆ្នាំ ទីកន្លែងកំណើតនៅអមលាំង ស្រុកថ្ពង់ ខេត្តកំពុងស្ពឺ រហូតមកដល់ពេលនេះនៅមិនទាន់ដឹងពីមូលហេតុនៃការប៉ុនប៉ង់ដុតសម្លាប់ខ្លួនឯងនេះនៅឡើយទេ ដោយសារតែបញ្ហារលាកធ្ងន់ធ្ងរមិនអាចនិយាយបានច្រើន បច្ចុប្បុន្នកំពុងសម្រាកសង្រ្គោះនៅមន្ទីរពេទ្យ។