ជនជាតិចិន បេីករថយន្តបុករបាំងថ្មពុះចែកទ្រូងផ្លូវ និងបង្គោលភ្លេីង បាក់រៀបដល់ដី
ភ្នំពេញ៖ ជនជាតិចិនមួយក្រុមស្រវឹងស្រា បេីករថយន្តតាកូម៉ា ក្នុងល្បឿនលឿនជ្រុលបុក បង្គោលភ្លេីងមួយដេីមពេញទំហឹង បាក់កាត់ទទឹងផ្លូវ និងរបាំងថ្មពុះចែកទ្រូងផ្លូវ បាក់អស់ ៤ កង់ រងការខូចខាតយ៉ាងដំណំ កាលពីវេលាម៉ោង ១ នឹង ៣០នាទី រំលងអាធ្រាត្រ ឈានចូលថ្ងៃទី ២៣ ខែ សីហា ឆ្នាំ ២០១៩ នៅចំណុចមុខស្ថានីយ៍ប្រេងឥន្ទនៈតូតាល់ តាមមហាវិថីសហព័ន្ធរុស្ស៊ី ស្ថិតក្នុងភូមិតាងួន សង្កាត់កាកាបទី១ ខណ្ឌពោធិ៍សែនជ័យ។
តាមសាក្សីនៅកន្លែងកេីតហេតុបានឲ្យដឹងថា មុនពេលកេីតហេតុ គេបានឃេីញរថយន្តម៉ាកតាកូម៉ា ពណ៌ សំបកឪឡឹក ពាក់ស្លាកលេខ ភ្នំពេញ 2AK-6983 តាមបណ្តោយមហាវិថីសហព័ន្ធរុស្ស៊ី ក្នុងទិសដៅពីកេីតទៅលិច ក្នុងល្បឿនលឿន ខណៈមកដល់ចំណុចកេីតហេតុ ក៏បានរេចង្កូតបុកក្បាលនាគពុះចែកទ្រូងផ្លូវបាក់អស់ ៤ កង់ រុញផ្ទប់នឹងបង្គោលភ្លេីងដែលជាប់របាំងថ្ម បណ្តាលអោយបាក់អស់មួយដេីម ដួលកាត់ទទឹងផ្លូវ ចំណែករថយន្តរការខូចខាតយ៉ាងដំណំ។
ក្រោយកេីតហេតុសមត្ថកិច្ចមូលដ្ឋាន បានចុះមកដល់ចំណុចកេីតហេតុ ឃាត់ម្ចាស់រថយន្តទៅសួរនាំ រងចាំប្រគល់អោយជំនាញចរាចរណ៍ជេីងគោក រាជធានីភ្នំពេញ មកធ្វេីកាវាស់វែងយករថយន្ត និងម្ចាស់ទៅដោះស្រាយតាមច្បាប់៕ អត្ថបទ រូបភាពដោយ៖ ម៉ាក់ មីដា
