ចង្កូតទៅបុករបាំងថ្មចែកទ្រូងផ្លូវ លើស្ពានអាកាស ៥មករា បាក់អស់បីផ្ទាំង របួសធ្ងន់ម្នាក់

ភ្នំពេញ៖ បុរសម្នាក់រួមដំណើរនិងនារីរូបស្រស់ ពីរនាក់ទៀត បើករថយន្តតូយ៉ូតាព្រូសមួុយគ្រឿង ក្នុងល្បឿនលឿនដូចហោះ បានរេចង្កូតទៅបុករបាំងថ្មចែកទ្រូងផ្លូវលើស្ពានអាកាស ៥មករា បាក់អស់ ៣ កង់ រថយន្តបង្កដាច់កង់ខាងមុខទៅលែងរួច និងបុរសជាអ្នកបើករបរងបួសធ្ងន់ ចំណែកអ្នករួមដើណើរជានារីពីរនាក់រងរបួសស្រាល។

ហេតុការណ៍នេះកើតឡើងកាលពីវេលាម៉ោង ១០ យប់ ថ្ងៃទី ២១ ខែ សីហា ឆ្នាំ ២០១៩ ស្ថិតនៅចំណុចលើស្ពានអាកាស ៥មករា ផ្នែកខាងកើត តាមបណ្តោយផ្លូវសហព័ន្ធរុស្ស៊ី ក្នុងសង្កាត់ផ្សារដេប៉ូ៣ ខណ្ឌទួលគោក។

តាមប្រភព័ត៌មានពីកន្លែងកើតហេតុបានឲ្យដឹងថា មុនកើតហេតុ គេឃើញបុរសម្នាក់ រួមដំណើរនិងនារីរូបស្រស់ពីរនាក់ទៀត បើករថយន្តតូយ៉ាតាព្រូសមួុយគ្រឿង ពណ៌ទឹកប្រាក់ ពាក់ស្លាកលេខ ភ្នំពេញ 2AL-7284 ទិសដៅពីកើតទៅលិច ឡើងលើស្ពានលឿនដូចហោះ ខណៈមកដល់ចំណុចកើតហេតុខាងលើ បានរេចង្កូតមកខាងឆ្វេងដៃជ្រុលទៅបុករបាំងថ្មចែកទ្រូងផ្លូវ បាក់អស់បីកង់ រថយន្តបង្កខ្ទេចមួយចំហៀងខាងមុខខាងឆ្វេង និងដាច់កង់ម្ខាងទៅមុខទៅលែងរួច ចំណែកបុរសជាអ្នកបើកបរបោកផ្ទប់នឹងដៃចង្កូត រងរបួសធ្ងន់ ត្រូវបានរថយន្តសង្គ្រោះមន្ទីរពេទ្យហុង ហាក់ ដឹកយកទៅសង្គ្រោះភ្លាមៗ រីឯនារីរូបស្រស់ពីរនាក់ រួមដំណើររងរបួសស្រាល។

ក្រោយកើតហេតុ សមត្ថកិច្ចមូលដ្ឋានបានចុះមកដល់បានទំនាក់ទំនងទៅសមត្ថកិច្ចជំនាញ ចុះមកធ្វើការវាស់វែងយករថយន្តបង្កទៅរក្សាទុកនៅ ការិយាល័យចរាចរណ៍ផ្លូវគោក រាជធានីភ្នំពេញ រងចាំដោះស្រាយគ្នាទៅតាមផ្លូវច្បាប់៕