សាហាវណាស់លោកចោរ បំបុកចូលផ្ទះគេទាំងយប់ ចង់លួចទ្រព្យសម្បត្តិ ត្រូវប្រជាពលរដ្ឋចាប់វាយទ្រោមខ្លួន សំណាងល្អបានកម្លាំងសមត្ថកិច្ចអន្តរាគមន៍ជួយឃាត់ទាន់
រាជធានីភ្នំពេញ ៖ ជនសង្ស័យម្នាក់ ត្រូវប្រជាពលរដ្ឋចាប់វាយទ្រោមខ្លួននៅនឹងកន្លែង សំណាងល្អ បានកម្លាំងសមត្ថកិច្ចអន្តរាគមន៍ជួយឃាត់ទាន់ពេលវេលា ក្រោយធ្វេីសកម្មភាព បំបុកចូលផ្ទះស្រ្តីចំណាស់ ២នាក់ បម្រុងលួចទ្រព្យសម្បត្តិ តែត្រូវម្ចាស់ផ្ទះស្រែកឆោឡោ រួចជនសង្ស័យក៏បានបិទទ្វារឃុំខ្លួនក្នុងនោះ អស់ជាកន្លះម៉ោង បង្កអោយមានការភ្ញាក់ផ្អេីលយ៉ាងខ្លាំង នាវេលាម៉ោង២៣យប់ ថ្ងៃទី២០ ខែសីហា ឆ្នាំ២០១៩ នេះ ស្ថិតនៅម្តុំបឹងកក់ ក្រោយស្ថានទូតបារាំង នៅក្នុងសង្កាត់ស្រះចក ខណ្ឌដូនពេញ រាជធានីភ្នំពេញ ។
យោងតាមការរៀបរាប់ពីស្រ្តីរងគ្រោះទាំង ២នាក់ មីងនឹងក្មួយ បានប្រាប់ក្រុមការងារអោយដឹងថា ៖ មុនពេលកើតហេតុ រូបគាត់ទាំង ២នាក់ កំពុងតែនៅក្នុងផ្ទះសុខៗ បានលឺសំលេងគេស្រែកថា មាន ភ្លេីងឆេះផ្ទះ ភ្លេីងឆេះផ្ទះ ភ្លាមនោះ រូបគាត់ ក៏បេីកទ្វារមេីលបន្តិច ស្រាប់តែត្រូវជនសង្ស័យ ខាងលេី បំបុកទ្វារចូលផ្ទះរបស់គាត់ មួយទំហឹង ធ្វេីអោយបះដៃបះជើងទាំង ២នាក់ មីងនឹងក្មួយ ដោយភ័យខ្លាំងពេក រូបគាត់ទាំង ២នាក់ ក៏នាំគ្នា រត់ចេញមកក្រៅសិន ដេីម្បីរក្សាសុវត្ថិភាព នឹងបានស្រែកឆោឡោ ផ្អេីលដល់អ្នកភូមិជិតខាង នាំគ្នាចេញមកចាប់ជនសង្ស័យ ធ្វេីអោយជនសង្ស័យ ភ័យស្លន់ស្លោពេកក៏ចាក់សោរបិទទ្វារឃុំខ្លួនក្នុងផ្ទះខាងលេីតែម្តង ប្រភពបន្តថា ៖ ខណ:ដែលជនសង្ស័យឃេីញប្រជាពលរដ្ឋនឹងសមត្ថកិច្ចជាច្រេីន បានធ្វេីការឡោមព័ទ្ធ រកផ្លូវនឹងជ្រកចេញ ពុំបាន ក៏បិទភ្លេីង ចាក់ទឹក នឹងទឹកសាប៊ូមកលេីខ្លួនផង រួចដោះខោអាវចេញអស់ ដេីម្បីងាយស្រួលក្នុងការរត់គេចខ្លួន រហូត៣០នាទីក្រោយមក ទ្វារក៏ត្រូវប្រជាពលរដ្ឋនឹងសមត្ថកិច្ចកាត់ចូលទៅបាន ហេីយនាំគ្នា រត់ចូលទៅចាប់ជនសង្ស័យ មានការប្រតាយប្រតប់គ្នាទៅវិញទៅមក ធ្វេីអោយប្រជាពលរដ្ឋ ខឹងសម្បារ នាំគ្នាវាយម្នាក់ដៃជេីង បណ្តាលអោយជនសង្ស័យទ្រោមខ្លួននៅនឹងកន្លែងកេីតហេតុ តែសំណាងល្អបានកម្លាំងសមត្ថកិច្ចអន្តរាគមន៍ជួយឃាត់ទាន់ពេលវេលា រួចក៏ចាប់បញ្ជូនជនសង្ស័យយកមកប៉ុស្តិ៍នគរបាលរដ្ឋបាលស្រះចកដេីម្បីធ្វេីការសួរនាំទាំងយប់តែម្តង ។
បច្ចុប្បន្នជនសង្ស័យខាងលេី ត្រូវបានសមត្ថកិច្ចប៉ុស្តិ៍ស្រះចកធ្វេីការឃុំខ្លួនជាបណ្តោះអាសន្ន ដេីម្បីកសាងសំណុំរឿងបញ្ជូនទៅអធិការដ្ឋាននគរបាលខណ្ឌដូនពេញ ចាត់ការតាមនីតិវីធី ៕
