ស្រវឹងស្រា ជិះម៉ូតូទៅបុករថយន្តចតស្ងៀម ពីក្រោយរងរបួសធ្ងន់

ភ្នំពេញ៖ បុរសម្នាក់ស្រវឹងស្រា ជិះម៉ូតូសង់កូរ៉េមួុយគ្រឿងទៅបុករថយន្តមួុយគ្រឿងចតស្ងៀមតាមចិញ្ចើមផ្លូវពីក្រោយបណ្តាលឲ្យដួល បោកនិងថ្នល់រងរបួសធ្ងន់។

ហេតុការណ៍នេះកើតឡើងកាលពីវេលាម៉ោង៧និង២០នាទីយប់ថ្ងៃទី១៧ខែសីហាឆ្នាំ២០១៩ស្ថិតនៅខាងជើងភោជនីយដ្ឋាន រស្មីបឹងកក់ ប្រមាណជាង១០០ម៉ែត្រ តាមបណ្តោយផ្លូវ១០១១ ភូមិបាយ៉ាប ក្នុងសង្កាត់ភ្នំពេញថ្នី ខណ្ឌសែនសុខ។

តាមសម្តីម្ចាស់រថយន្តបានឲ្យដឹងថាមុនកើតហេតុរូបគាត់បានបើករថយន្តមួយគ្រឿងម៉ាកNISAN FROMTIERពណ៌កណ្តុរប្រមេះគ្នានស្លាកលេខមកចតចោលនៅចំណុចកើតហេតុជាច្រើនម៉ោងព្រោះផ្ទះរបស់នៅក្បែរនោះ ក្នុងទិសដៅត្បូងជើងលុះមកម៉ោងកើតហេតុក៍មានបុរសម្នាក់ជិះម៉ូតូមួយគ្រឿងម៉ាកសង់កូរ៉េពណ៌ក្រហមពាក់ស្លាកលេខឍ-7455-ភព1ធ្វើដំណើរស្របទិសដៅគ្នាបុកចំកាងរថយន្តខាងក្រោយផ្នែកខាងឆ្វេងដួលបោកក្បាលនិងថ្នល់រហតបួសធ្ងន់ត្រូវាបនរថយន្តសង្គ្រោះបន្ទាន់មន្ទីពេទ្យរស្មីដឹកយកសង្គ្រោះភា្លមៗ។

ក្រោយកើតហេតុសមត្ថកិច្ចមូលដ្ឋានបានចុះមកដល់បានទំនាក់ទំនងទៅសមត្ថកិច្ចជំនាញចុះមកធ្វើការវាស់វែងយករថយន្តនិងម៉ូតូទៅរក្សាទុកនៅអធិការដ្ឋាននគរបាលខណ្ឌសែនសុខរងចាំធ្វើការដោះស្រាយគ្នាទៅតាមផ្លូវច្បាប់៕