កម្មករដឹកគ្រឿងសំណង់ធ្វេសប្រហែសថយរថយន្ត ស្រាប់តែកិនកូនចៅកែអាយុជិត២ឆ្នាំស្លាប់យ៉ាងអណោធអធម៌
កំពង់ស្ពឺ ÷ វេលាម៉ោង០៩និង៤០នាទី នាថ្ងៃទី០៦ ខែសីហា ឆ្នាំ២០១៩ មានករណីគ្រោះថ្នាក់បង្កដោយរថយន្តមួយគ្រឿង ដឹកគ្រឿងសំណង់ កិនក្មេងប្រុសស្លាប់ នៅភូមិក្រាំងតាតន ឃុំអូរ ស្រុកភ្នំស្រួច ខេត្តកំពង់ស្ពឺ អ្នកបេីកបរមានឈ្មោះ ផៃ ផា ភេទប្រុស អាយុ២០ឆ្នាំ នៅភូមិវាលធំ ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ កម្មករស៊ីឈ្នួលបើកឡាន អោយឈ្មោះ ឆាង ធំ ភេទប្រុស អាយុ៣៧ ឆ្នាំ “ថៅកែលក់គ្រឿងសំណង់”។
តាមការបញ្ជាក់អោយដឹងពីលោកវរសេនីយ៍ត្រី ពៅ នឿន អធិការរង ទទួលការងារសណ្ដាប់ធ្នាប់ នៃអធិការដ្ឋាននគរបាលស្រុកភ្នំស្រួច រថយន្ត ០១គ្រឿង ម៉ាក ទីតាន់ ទម្ងន់ ១តោនកន្លះ ពណ៍ខៀវ ស្លាកលេខសៀមរាប 2A-1369 មានបំពាក់ដងស្ទូចពីលើ បេីកចូលទៅក្រោយផ្ទះក្នុងល្បឿនយឺតៗ ស្របពេលនោះមានក្មេងប្រុសឈ្មោះ គ្រុយ សៀកម៉េង អាយុ២០ខែ ជាកូនរបស់ឈ្មោះ ឆាង ធំ “ថៅកែ”ដើរចូលរថយន្តហើយត្រូវរថយន្ត បេីកកិនស្លាប់នៅនិងកន្លែងតែម្ដង។
ក្រោយកេីតហេតុតៃកុងរថយន្ដចុះរត់គេចខ្លួនបាត់ ចំណែកសពក្រុមគ្រួសារធ្វើបុណ្យតាមប្រពៃណី ករណីខាងលើនេះឪពុកម្ដាយក្មេងរងគ្រោះមិនបានប្ដឹងផ្ដល់នោះទេ។ ព្រះច័ន្ទ” ការឆ្វេសប្រហែស នាំអោយមានវិប្បដិសារី “។
