ទីបំផុត កីឡាករ Aung Thu ខ្សែប្រយុទ្ធឆ្នើមរបស់មីយ៉ាន់ម៉ា ប្រកាសរៀបការជាមួយតារាម៉ូដែលស្រស់ស្អាតម្នាក់ !
កីឡាករខ្សែប្រយុទ្ធឆ្នើមមីយ៉ាន់ម៉ា បានប្រកាសបញ្ចប់ភាពនៅលីវរបស់ខ្លួនហើយកាលពីពេលថ្មីៗនេះ ដោយបង្ហាញមុខគូស្នេហ៍របស់ខ្លួនជាមួយនឹងការចុះហត្ថលេខាលើសំបុត្រស្នើសុំរៀបអាពាហ៍ពិពាហ៍ ។
នារីដែលត្រូវក្លាយជាភរិយាស្របច្បាប់របស់កីឡាករវ័យក្មេងរូបនេះគឺជាតារាស្រីដ៏ល្បីរបស់មីយ៉ាន់ម៉ា ឈ្មោះ Poe Ei Ei Khant ដែលនាងគឺជាតារាម៉ូឌែល និង តារាសម្តែងផងដែរ ។ ទោះជាបែបនេះក្តីអ្នកទាំងពីរមិនបានបង្ហាញពីថ្ងៃរៀបការនៅឡើយទេ ។
គូសបញ្ជាក់ផងដែរថា Aung Thu គឺជាកីឡាករមួយរូបដ៏ល្បីរបស់មីយ៉ាន់ម៉ា ដែលបានជួយឱ្យប្រទេសនេះ បានបង្ហាញខ្លួនជាលើកដំបូងក្នុងពានរង្វាន់យុវជនអាយុក្រោម ២០ ឆ្នាំ ពិភពលោក កាលពីឆ្នាំ ២០១៥ ហើយត្រូវបានក្លិបបាល់ទាត់លីគកំពូលរបស់ថៃ ខ្ចីជើងតាំងពីឆ្នាំ ២០១៧ មកផងដែរ ៕
ដោយ៖ Coura
ប្រភព៖ sportruninnpi
