ប្រទះឃើញរថយន្តម៉ាកហាយលែនឌ័រមួយគ្រឿង គេយកមកផ្លុងចោល នៅស្រុកមេសាង
ព្រៃវែង ៖ រថយន្តម៉ាកហាយលែនឌ័រមួយគ្រឿង ត្រូវបានគេប្រទះឃើញ យកមកផ្លុងចោលនៅចំណុចផ្លូវច្រមុះជ្រូក ស្ថិតនៅភូមិអង្គរស ឃុំអង្គរស ស្រុកមេសាង ។
តាមរបាយការណ៍របស់សមត្ថកិច្ចបានឲ្យដឹងថា នៅវេលាម៉ោង២រំលងអាធ្រាត្រឈានចូលថ្ងៃទី០៩ ខែមីនា ឆ្នាំ២០១៩ កម្លាំងប៉ុស្តិរដ្ឋរបាលឃុំអង្គរសបានល្បាតចល័តក៏ប្រទះឃើញរថយន្តម៉ាកហាយលែនឌ័រមួយគ្រឿង ពណ៌ទឹកប្រាក់ (HiGHLAnDER) ពាក់ស្លាកលេខ ភ្នំពេញ ២AA_៩២៤៣ រថយន្តនេះជនមិនស្គាល់អត្តសញ្ញាណ បានយកមកផ្លុងចោលនៅចំណុចផ្លូវច្រមុះជ្រូក ស្ថិតនៅភូមិអង្គរស ឃុំអង្គរស ស្រុកមេសាង ។ បច្ចុប្បន្នសម្ថកិច្ចយកមករក្សាទុកនៅប៉ុស្តិ៍រដ្ឋបាលអង្គរស ដើម្បីស្រាវជ្រាវរកម្ចាស់ពិតប្រាកដ៕សហការី
