យ៉ាងហោចណាស់គិតបាបបុុណ្យខ្លះដែ!!គ្រាន់តែរឿងឆ្កែសោះនារី១នាក់លើកដៃវ៉ៃតាអាុយុុជិត១០០ឆ្នាំ

យ៉ាងហោចណាស់ក៏គិតពីបុណ្យនិងបាបខ្លះដែរ!! គ្រាន់តែរឿងឆ្កែសោះ.នារី១នាក់លើកដៃវ៉ៃតាអាយុជិត១ឆ្នាំ

ខេត្តកណ្តាល ៖ លោកតាអាយុជិត១០០ឆ្នាំម្នាក់ ត្រូវបានស្ត្រីជនសង្ស័យម្នាក់ ប្រើដំបងឬស្សីងាប់ វាយទៅលើលោកតាបណ្តាលឲ្យរងរបួសក្បាល និងឈាមដៃឆ្វេង កាលពីវេលាម៉ោង១៦:២០នាទី ថ្ងៃទី០៤ ខែមីនា ឆ្នាំ២០១៩ នៅចំណុចភូមិស្វាយតានី ឃុំព្រែកគយ ស្រុកស្អាង ខេត្តកណ្តាល ។
សមត្ថកិច្ចបានឲ្យដឹងថា ស្ត្រីសង្ស័យខាងលើមានឈ្មោះ ម៉ូូវ ង៉ិចហៀក ភេទស្រី អាយុ២៨ឆ្នាំ បានប្រើដំបងឬស្សីងាប់ វាយទៅលើលោកតារងគ្រោះម្នាក់មានឈ្មោះ លីវ ឈៀង អាយុ៩៤ឆ្នាំ បណ្តាលឲ្យរងរបួសក្បាល និងដៃឆ្វេង នៅចំណុចភូមិស្វាយតានី ឃុំព្រែកគយ ស្រុកស្អាង ខេត្តកណ្តាល ។
ចំពោះមូលហេតុហេតុនោះគឺ ជនរងគ្រោះឈ្មោះ លីវ ឈៀង បានដើរកាន់ឈើរច្រត់តាមផ្លូវលំកាត់ មុខផ្ទះរបស់ឈ្មោះ ម៉ូវ ង៉ិចហៀក ពេលនោះ ឆ្កែរបស់ឈ្មោះម៉ូវ ង៉ិចហៀក ចំនួនពីរក្បាលបានព្រុសខ្លាំងៗចេញពីក្នុងផ្ទះមកដេញខាំជនរងគ្រោះ ភ្លាមនោះជនរងគ្រោះបានយកឈើច្រត់របស់ខ្លួន យាវាយ ឆ្កែដើម្បីកុំអោយឆ្កែខាំ ក៍ត្រូវឈ្មោះ ម៉ូវ ង៉ិចហៀក ថាគេវ៉ៃឆ្កែរបស់ខ្លួនក៏យកដំបងឬស្សីប្រវែង ០១ម៉ែត្រ០៦ហ៊ុន មកវាយជនរងគ្រោះ បណ្តាលអោយបែកចំពីលើក្បាល និងមានស្នាមមុតដៃចេញឈាមទៀតផង។
ក្រោយមកជនរងគ្រោះបានទៅសំរាកព្យាបាល របួសនៅមន្ទីពេទ្យឯកជនមួយនៅស្វាយតានី។ ចំណែកស្ត្រីជនសង្ស័យខាងលើ ត្រូវបានសមត្ថកិច្ចឃាត់ខ្លួនបញ្ចូនទៅកាន់អធិការដ្ឋាននគរបាលស្រុកស្អាង ដើម្បីចាត់ការតាមនីតិវិធី ៕