បុរសម្នាក់បេីករថយន្តសណ្ដោងដឹកទំនិញបុករបាំងថ្មពុះចែកទ្រូងផ្លូវបណ្ដាលឲ្យរងការខូចខាតទាំងរថយន្តនិងរបាំងថ្មយ៉ាងដំណំ
(ភ្នំពេញ) បុរសម្នាក់បេីករថយន្តសណ្ដោងដឹកទំនិញបុករបាំងថ្មពុះចែកទ្រូងផ្លូវបណ្ដាលឲ្យរងការខូចខាតទាំងរថយន្តនិងរបាំងថ្មយ៉ាងដំណំតែសំណាងល្អមិនបណ្ដាលឲ្យនរណាម្នាក់រងគ្រោះថ្នាក់នេះទេ។
ហេតុនេះបានបង្កឲ្យមានការភ្ញាក់ផ្អើលឡើងកាលពីវេលាម៉ោងជាង១២យប់រំលងអាធ្រាត្រឈានចូលថ្ងៃទី១៨ខែកុម្ភះឆ្នាំ២០១៩ដែលមានទីតាំងស្ថិតនៅតាមបណ្ដោយផ្លូវព្រះមុន្នីរ៉េតចំណុចមុខវត្តស្ទឹងមានជ័យស្ថិតក្នុងសង្កាត់ស្ទឹងមានជ័យទី២ខណ្ឌមានជ័យក្រុងភ្នំពេញ។
បេីតាមប្រភពព័ត៌មានពីកន្លែងកើតហេតុបានប្រាប់ឲ្យដឹងថាមុនពេលកើតហេតុគេឃើញរថយន្តធុនធំប្រភេទសណ្ដោងភ្លៅ៤មួយគ្រឿងម៉ាក HYUNDAI ពណ៌សពាក់ស្លាកលេខភ្នំពេញ3D-2861បេីកបរដោយបុរសម្នាក់ដោយធ្វើដំណើរតាមបណ្ដោយផ្លូវព្រះមុន្នីរ៉េតក្នុងទិសដៅលិចទៅកេីតលុះមកដល់ចំណុចកើតហេតុមុខវត្តស្ទឹងមានជ័យស្រាប់តែរថយន្តខាងលើបានរេចង្កូតងាកមកឆ្វេងដៃក៏ជ្រុលទៅបុករបាំងថ្មពុះចែកទ្រូងផ្លូវបណ្ដាលឲ្យរងការខូចខាតចំនួន៥ផ្ទាំង ចំណែកឯរថយន្តវិញរងការខូចខាតដាច់កង់ជំហៀងផ្នែកខាងឆ្វេងទៅមុខលែងរួច។
រោយកើតហេតុសមត្ថកិច្ចមូលដ្ឋានបានចុះមកដល់រួចធ្វេីការទាក់ទងទៅសមត្ថកិច្ចជំនាញដេីម្បីឲ្យចុះមកធ្វើការវាស់វែងយករថយន្តទៅរក្សាទុកនៅការិយាល័យចរាចរណ៍ផ្លូវគោករាជធានីភ្នំពេញដេីម្បីរងចាំដោះស្រាយគ្នាទៅតាមផ្លូវច្បាប់នៅពេលក្រោយ៕សហការី
