កឺកឺម្នាក់ស្រវឹងស្រាជោគជាំបង្ខំ…មិនបាន! បង្កហិង្សាដោយចេតនា ត្រូវបានសមត្ថកិច្ចខណ្ឌសែនសុខបញ្ចេញកណ្តប់ដៃដែកឃាត់ខ្លួនវៃខ្នោះភ្លាមៗ

ភ្នំពេញ៖ នៅថ្ងៃទី១៣-០២-២០១៩ កាលពីវេលាម៉ោង ២១និង៣០នាទី កម្លាំងប៉ុស្តិ៍រដ្ឋបាលភ្នំពេញថ្មី បានធ្វើការឃាត់ខ្លួនជនសង្ស័យ១នាក់ ពិបទកថណិធ្វើឲ្យខូចខាតដោយចេតនា (ប្រើដុំថ្មគប់បណ្តាលឲ្យបែកកញ្ចក់ឡាន) នៅចំណុចមុខចហាងអង្គរធំ ផ្លូវ១០១៩ ភូមិបាយ៉ាប សង្កាត់ភ្នំពេញថ្មី ខណ្ឌសែនសុខ។

ជនសង្ស័យដែលសមត្ថកិច្ចឃាត់ខ្លួននោះមានឈ្មោះ XUB0 ភេទប្រុស អាយុ៣៥ឆ្នាំ ជនជាតិចិន មុខរបរកម្មកររោងចក្រ ស្នាក់នៅក្នុងរោងចក្រ គាណាឌីយ៉ា ផ្លូវវេងស្រេង ភូមិត្រពាំងថ្លឹង សង្កាត់ចោមចៅ៣ ខណ្ឌពោធិ៍សែនជ័យ ។

ចំណែកជនរងគ្រោះមានឈ្មោះ ព្រហ្ម សុធារ័ត្ន ភេទស្រី អាយុ២៧ឆ្នាំ ជនជាតិខ្មែរ មុខរបរលក់ខោអាវ ស្នាក់នៅផ្ទះលេខ៣ ផ្លូវបេតុង ភូមិដីថ្មី សង្កាត់គោកឃ្លាង ខណ្ឌសែនសុខ ។ សម្ភារៈដែលខូចខាត គឺបែកញ្ចក់ឡានចំហៀងមុខខាងស្តាំ ចំនួន០១ផ្ទាំង។ រឯវត្ថុតាងបន្សល់ទុក ដុំថ្មចំនួន១ដុំ និងទូរសព្ទ័ដៃ០១គ្រឿង ម៉ាកហូវ៉ៃ របស់ជនសង្ស័យ ។

ប្រភពព័ត៌មានបានអោយដឹងថាមុនពេលកើតហេតុ ជនរងគ្រោះបានដឹកជនសង្ស័យពីរោងចក្រកាណាឌីយ៉ា នៅម្តុំផ្លូវវេស្រេង ក្នុងគោលបំណងដើរលង បន្ទាប់មកជនសង្ស័យ និងជនរងគ្រោះក៍មានទំនាស់ពាក្យសម្តី និងប្រកែកគ្នាតាមផ្លូវ ដោយមានស្ថានភាពស្រវឹងស្រា ជនរងគ្រោះបានបើឡានដឹកជនសង្ស័យទៅរោងចក្រវិញកន្លែងស្នាក់នៅវិញ ពេលធ្វើដំណើរដល់ចំណុចកើតហេតុខាងលើ ជនសង្ស័យបានយកដៃទាញប្រាំងឡានឲ្យឈប់រួចចុះពីលើឡានយកដុំថ្មគប់កញ្ចក់ឡានចំហៀងខាងស្តាំបណ្តាលឲ្យបែក ក៍មានការឆោឡោ ភ្លាមនោះកម្លាំងល្បាតប៉ុស្តិ៍ភ្នំពេញថ្មី បានធ្វើការល្បាតដល់ចំណុចខាងលើ ឃើញក៍បាននាំខ្លួនជនសង្ស័យយកមកធ្វើការសាកសួរ នៅអធិការដ្ឋាននគរបាលខណ្ឌសែន រួចជនរងគ្រោះបានដាក់ពាក្យបណ្តឹងចោទប្រកាន់ជនសង្ស័យតែម្តង ។

បច្ចុប្បន្ន ជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនិតិវិធី ៕ សហការី