ទំនងរោងការកូនអ្នកធំ ឬអ្នកមានហើយ សង់រោងបិទកំណាត់ផ្លូវជិត នៅសង្កាត់ទួលស្វាយព្រៃ១

ភ្នំពេញ ៖ អ្នកដំណើរត្រូវឆ្លងកាត់តាមបណ្តោយផ្លូវ៣៦៦ ភ្ញាក់ព្រើត បន្ទាប់ពីរោងមង្គលការមួយ បានសង់រោងបិទផ្ជិតកំណាត់ផ្លឍុវតែម្តង នៅរសៀលថ្ងៃទី១៣ ខែកុម្ភៈ ឆ្នាំ២០១៩នេះ លើកំណាត់ផ្លូវ៣៦៦ កែងផ្លូវ១៩៣ សង្កាត់ទួលស្វាយព្រៃ១ ខណ្ឌចំការមន ។

ពលរដ្ឋជួបឃើញ លាន់មាត់គ្រប់គ្នា រោងការខាងលើ សង្ស័យជាការកូនលោកធំ ឬ អ្នកមានហើយមើលទៅ ទើបបានជាហ៊ានសងរោងការបិទកំណាត់ផ្លូវបែបនេះ បើពលរដ្ឋរាស្រ្តសាមញ្ញ ច្បាស់ហើយ អាជ្ញាធរមិនអនុញាតិ បានត្រឹម៣ភាគ៤នៃទទឹងផ្លូវ តែបើរោងមួយនេះ ជិតឈឹង ដាក់ទាំងប៉ារ៉ាស់ ឃាំង យ៉ាងស្រស់សង្ហាទៅទៀត ។

រោងការ សង់បិទកំណាត់ផ្លូវបែបនេះ កាលបើលេចឮដល់ ឯកឧត្តម ឃួង ស្រេង អភិបាល នៃគណអភិបាលរាជធានីភ្នំពេញវិញ មិនដឹងថាលោកហួសចិត្តយ៉ាងណាទេ កាលបើចរាចរណ៍ណែនាំ ច្បាប់ ជុំវិញបញ្ហាសង់រោង ពិធី បិទផ្លូវ លើផ្លូវ ត្រូវបានសាលាក្រុងបាបផ្សព្វផ្សាយរួច ៕