សង្ងំលួចឆ្កឹកសោរបំរុងលួចម៉ូតូFZមួយគ្រឿង ត្រូវកម្លាំងសមត្ថកិច្ចល្បាតក្របួចជាប់២នាក់

ភ្នំពេញ៖ ជនសង្ស័យ២នាក់ត្រូវបានកម្លាំងសមត្ថកិច្ចឃាត់ខ្លួនបានភ្លាមៗ ខណៈពេលដែលកំពុងឆ្កឹកសោរម៉ូតូ ប៉ុនប៉ងលួចយកម៉ូតូ២គ្រឿងតែមិនទាន់បានសម្រេច ហេតុការណ៍នេះបានកើតឡើងនៅវេលាម៉ោង៤និង២០នាទីព្រឹកព្រលឹមថ្ងៃទី២៩ខែមករាឆ្នាំ២០១៩ នៅចំណុចទល់មុខ ផ្ទះសំណាក់ ខេងធី ផ្លូវបេតុង ភូមិទ្រា៤ សង្កាត់ស្ទឹងមានជ័យ៣ ខណ្ឌមនជ័យ។

សមត្ថកិច្ចបានអោយដឹងថា ជនសង្ស័យទី១មានឈ្មោះ ហេង សារិន អាយុ៣៨ឆ្នាំ មុខរបរមិនពិតប្រាកដ ទី២មឆនឈ្មោះ សុខ ម៉ៅ អាយុ២៣ឆ្នាំ មុខរបរមិនពិតប្រាកដ ស្នាក់នៅផ្ទះជួល ភូមិត្រពាំងឈូក សង្កាត់អូរបែកក្អម ខណ្ឌសែនសុខ។

ជនរងគ្រោះមានឈ្មោះ អឿ ឧត្តម ភេទប្រុស អាយុ២១ឆ្នាំ មុខរបរជាងជុសជួលទូរស័ព្ទ ស្នាក់នៅផ្ទះជួល ក្នុងភូមិទ្រា៤ សង្កាត់សង្កាត់ស្ទឹងមានជ័យ ខណ្ឌមានជ័យ។

សមត្ថកិច្ចបានរៀបរាប់អោយដឹងថា មុនពេលកើតហេតុ វេលាយប់ជនរងគ្រោះបានទុកម៉ូតូ អ្វេហ្វ ហ្សិត (FZ) ពណ៌ខ្មៅ ស្លាក លេខ ភ្នំពេញ1BZ-4191 ក្នុងរបងផ្ទះមុខបន្ទប់ជួល និងបានចាក់សោរជាប់នឹងហ្វ្រាំងប៉ូមកង់មុខប៉ុន្តែមិនបានចាក់សោររបងផ្ទះទេ បន្ទាប់មកជនរងគ្រោះបានចូលទៅគេង រហូតដល់ម៉ោងកើតហេតុខាងលើសមត្ថកិច្ចបានល្បាតឃើញជនសង្ស័យ២នាក់ជិះម៉ូតូ១គ្រឿងម៉ាក Zoomer-X ស្លាកលេខភ្នំពេញ 1HA-1390 ឃើញដូចច្នោះដោយមានការសង្ស័យសមត្ថកិច្ចបានហៅធ្វើការសាកសួរ ទើបដឹងថាជនសង្ស័យទាំង២នាក់នេះកំពុងឆ្កឹកសោរបំរុងលួចម៉ូតូ ទើបនាំទៅកាន់ប៉ុស្តិ៍តែម្តង។

ក្រោយពេលកើតហេតុ ជនរងគ្រោះក៏បានថ្លែងអំកុណដល់សមត្ថកិច្ចហើយក៏បានទៅប៉ុស្តិ៍នគរបាលស្ទឹងមានជ័យ ដើម្បីដាក់ពាក្យបណ្តឹង អោយសមត្ថកិច្ចចាត់ការទៅតាមផ្លូវច្បាប់៕ បក្សីចាំក្រុង