ឆ្លងសំលេងសារ៉ែនប្រកាសអាសន្ន បណ្តាលអោយកម្មកររោងចក្រកាត់ដេរភ័យដួលសន្លប់ ចំនួន១៦នាក់
ខេត្តកោះកុង៖ នៅព្រឹកថ្ងៃទី០៦ ខែវិច្ឆិកា ឆ្នាំ២០១៨នេះ មានកម្មកររោងចក្រកាត់ដេរ KKN3 ចំនួន១៦នាក់ បានដួលសន្លប់ ស្ថិតនៅតំបន់សេសដ្ឋកិច្ចពិសេសកោះកុង នៅភូមិចាំយាម ឃុំប៉ាក់ខ្លង ស្រុកមណ្ឌលសីមា ហើយខាងរោងចក្រកំពុងដឹកយកទៅសង្គ្រោះនៅក្នុងមន្ទីរពេទ្យបង្អែកខេត្ត។
ប្រធានមន្ទីរពេទ្យបង្អែកខេត្តកោះកុង និងលោក យក់ សង្វាត ប្រធានមន្ទីរការងារ និងបណ្ដុះបណ្ដាលវិជ្ជាជីវៈខេត្តកោះកុង បានអញ្ជើញចុះពិនិត្យ និងពិគ្រោះជំងឺសួរសុខទុក្ខកម្មកររោងចក្រ KKN 3 ដែលបានសន្លប់។
តាមការបញ្ជាក់របស់លោក ហៃឡៃ ស៊្រុន ប្រធានមន្ទីរពេទ្យបង្អែកខេត្ត និងក្រុមគ្រូពេទ្យឲ្យដឹងថា ចំនួនកម្មករដែលរងគ្រោះសន្លប់មាន ចំនួន១៦នាក់ និងកំពុងទទួលសេវាព្យាបាលយ៉ាងយកចិត្តទុកដាក់ពីមន្ទីរពេទ្យ។
ប្រភពពីមេការរោងចក្រ បានឲ្យដឹងថា៖ ការដួលសន្លប់នេះ បណ្តាលមកពីមូលហេតុឆ្លងសារ៉ែនប្រកាសអាសន្ន បណ្តាលឲ្យពួកគាត់ភ័យរន្ធត់ និងដួលសន្លប់ជាបន្តបន្ទាប់តែម្តង៕
